കേരളത്തില് ഇന്ന് 5376 പേര്ക്ക് കൊറോണ; 31 മരണം
തിരുവനന്തപുരം: സംസ്ഥാനത്ത് ഇന്ന് 5376 പേര്ക്ക് കൊറോണ സ്ഥിരീകരിച്ചു. 4724 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 31 മരണവും സ്ഥിരീകരിച്ചു.
ഉറവിടം അറിയാത്ത 527 പേര്ക്ക് പുതുതായി രോഗം ബാധിച്ചിട്ടുണ്ട്. രോഗം ബാധിച്ചവരിൽ 44 പേര് ആരോഗ്യ പ്രവര്ത്തകരാണ്. 24 മണിക്കൂറിനിടെ 60476 സാമ്പിളുകളാണ് പരിശോധിച്ചത്. 5590 പേര് രോഗമുക്തി നേടി.
മലപ്പുറം 714, തൃശൂര് 647, കോഴിക്കോട് 547, എറണാകുളം 441, തിരുവനന്തപുരം 424, ആലപ്പുഴ 408, പാലക്കാട് 375, കോട്ടയം 337, പത്തനംതിട്ട 317, കണ്ണൂര് 288, കൊല്ലം 285, ഇടുക്കി 265, വയനാട് 238, കാസര്ഗോഡ് 90 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
സംസ്ഥാനത്തെ വിവിധ ജില്ലകളിലായി 3,11,237 പേരാണ് ഇപ്പോള് നിരീക്ഷണത്തിലുള്ളത്. 1716 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
