ജയരാജനെ എത്രയും വേഗം പുറത്താക്കണം: സുധീരൻ
തിരുവനന്തപുരം: ബന്ധുനിയമന വിവാദത്തില്പ്പെട്ട വ്യവസായ വകുപ്പ് മന്ത്രി ഇ.പി ജയരാജനെ എത്രയും വേഗം പുറത്താക്കണമെന്ന് കെപിസിസി അധ്യക്ഷന് വി.എം സുധീരന്.
സംഭവത്തില് ഒന്നാം പ്രതി ജയരാജനാണ്. വകുപ്പ മന്ത്രി എന്ന നിലയില് അദ്ദേഹത്തിന് ഉത്തരവാദിത്തമുണ്ട്. സ്വജനപക്ഷപാതം ഉള്പ്പെടെയുള്ള വിഷയങ്ങള് തെരഞ്ഞെടുപ്പില് പ്രധാന പ്രചാരണ വിഷയമാക്കിയവരാണ് സിപിഎം. എന്നാല് അധികാരത്തില് എത്തിയശേഷം സ്വജനപക്ഷപാതവും, അഴിമതിയും, ഭരണഘടന ലംഘനവുമാണ് സര്ക്കാര് നടത്തുന്നതെന്ന് അദ്ദേഹം പറഞ്ഞു.
നിയമനത്തിന് എതിരെ ജനകീയ പ്രതിഷേധം ഉയര്ന്നപ്പോള് പൊടിക്കൈകള് കൊണ്ട് ഇത് നേരിടാനാണ് ഇപ്പോള് സര്ക്കാര് ശ്രമിക്കുന്നത്. നിയമനത്തെക്കുറിച്ച് മുഖ്യമന്ത്രിക്കും അറിയാം. മുഖ്യമന്ത്രി അറിയാതെ എങ്ങനെ പൊതുമേഖല സ്ഥാപനത്തിൽ ഒരാളെ നിയമിക്കുമെന്നും സുധീരന് ചോദിച്ചു.
