ആശാവർക്കർമാർക്ക് 1000 രൂപയുടെ ഓണറേറിയം വർധന: ഉത്തരവിറക്കി സർക്കാർ
ഷീബ വിജയൻ
തിരുവനന്തപുരം: ആശാ വർക്കർമാരുടെ ഓണറേറിയം 1000 രൂപ വർധിപ്പിച്ചുള്ള ഉത്തരവിറങ്ങി. നവംബർ ഒന്നു മുതൽ 8,000 രൂപ ആക്കിയാണ് ഉത്തരവ്. ഈ മാസം മുതൽ പുതുക്കിയ ഓണറേറിയം ലഭിച്ചുതുടങ്ങും. സംസ്ഥാനത്തെ 26,125 ആശാ വർക്കർമാർക്ക് ഇതിന്റെ പ്രയോജനം ലഭിക്കും. പ്രതിവർഷം 250 കോടി രൂപ ഇതിന് ചെലവാകും.
മുഖ്യമന്ത്രിയുടെ പ്രഖ്യാപനത്തിന് പിന്നാലെ 266 ദിവസം നീണ്ടു നിന്ന് രാപ്പകൽ സമരം ആശാ വർക്കർമാർ അവസാനിപ്പിച്ചിരുന്നു. എന്നാല്, ഓണറേറിയം 21,000 രൂപയായി വർധിപ്പിക്കുകയും വിരമിക്കൽ ആനുകൂല്യം അഞ്ച് ലക്ഷം രൂപ അനുവദിക്കുകയും ചെയ്യുന്നത് വരെ പ്രാദേശിക തലങ്ങളിൽ സമരം തുടരുമെന്ന് ആശാ വർക്കർമാർ അറിയിച്ചു.
മനമേനമം
