യു.എ.ഇയിൽ പ്രവാസിക്ക് വധശിക്ഷ വിധിച്ചു
യു.എ.ഇയിൽ രണ്ട് പേരെ കുത്തിക്കൊന്ന കേസിൽ പ്രവാസിക്ക് വധശിക്ഷ വിധിച്ചു. സജ ഇൻ‍ഡസ്ട്രിയയിൽ ഏരിയയിൽ വെച്ച് സഹോദരങ്ങളായ ഏഷ്യക്കാരനായ പ്രതി രണ്ട് പേരെ കുത്തിക്കൊന്നത്.
കൊല്ലപ്പെട്ടവരുടെ ഫ്ലാറ്റിനുള്ളിൽ വെച്ചായിരുന്നു കേസിന് ആസ്പദമായ സംഭവം. ഷാർജ ക്രിമിനൽ കോടതിയാണ് ശിക്ഷ വിധിച്ചത്. കൊല്ലപ്പെട്ടവരും ഏഷ്യക്കാരായിരുന്നു. ഇവരുടെ വീട്ടിലെത്തിയ പ്രതിയുമായി വാക്കുതർക്കമുണ്ടാവുകയും ഒടുവിൽ ദേഷ്യം സഹിക്കാനാവാതെ കത്തി കൊണ്ട് കുത്തുകയുമായിരുന്നു. ആശുപത്രിയിൽ പ്രവേശിപ്പിക്കപ്പെട്ട ഇരുവരും പിന്നീട് മരിച്ചു. പോലീസ് അറസ്റ്റ് ചെയ്ത് ചോദ്യം ചെയ്തപ്പോൾ പ്രതി കുറ്റം സമ്മതിച്ചിരുന്നു. എന്നാൽ കോടതിയിൽ ഹാജരാക്കിയപ്പോൾ ഇയാൾ ഇത് നിഷേധിച്ചു. സ്വയം പ്രതിരോധത്തിനായി മാത്രമാണ് താൻ കുത്തിയതെന്ന വാദം കോടതി അംഗീകരിച്ചില്ല. ബ്ലഡ് മണി വാങ്ങി ശിക്ഷ ഇളവ് നല്‍കാൻ കൊല്ലപ്പെട്ടവരുടെ പിതാവ് വിസമ്മതിച്ചതോടെയാണ് കോടതി വധശിക്ഷ വിധിച്ചത്.
