കോയന്പത്തൂരിൽ മലയാളി സ്ത്രീയുടെ മൃതദേഹം അഴുകിയ നിലയിൽ
കോയന്പത്തൂർ: കോയന്പത്തൂരിൽ മലയാളി സ്ത്രീയുടെ മൃതദേഹം ഹോട്ടൽ‍മുറിയിൽ അഴുകിയ നിലയിൽ കണ്ടെത്തി. ഗാന്ധിപുരം ക്രോസ്‌കട്ട് റോഡിലെ ഹോട്ടലിലാണ് മൃതദേഹം കണ്ടെത്തിയത്. ഒപ്പമുണ്ടായിരുന്ന ആളെ ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു. സംഭവത്തിൽ കാട്ടൂർ പൊലീസ് കേസെടുത്ത് അന്വേഷണാരംഭിച്ചു.
കോഴിക്കോട് സ്വദേശിയായ ബിന്ദുവിന്റെ (46) മൃതദേഹമാണ് കണ്ടെത്തിയത്. മുഖം അടക്കം അഴുകിയ നിലയിലാണ്. കഴിഞ്ഞ മാസം 26നാണ് ബിന്ദുവും ഒപ്പമുണ്ടായിരുന്ന മുസ്തഫയും ദന്പതികൾ എന്നുപറഞ്ഞ് ഹോട്ടലിൽ മുറിയെടുക്കുന്നത്. എന്നാൽ രണ്ടുദിവസമായി മുറി തുറക്കാത്തതിനെ തുടർ‍ന്ന് പരിശോധിച്ചപ്പോഴാണ് ഇരുവരെയും കണ്ടെത്തിയത്. എലിവിഷവും മദ്യക്കുപ്പിയും മുറിക്കുള്ളിൽ നിന്ന് കണ്ടെത്തിയിട്ടുണ്ട്.
