കോവിഡ് ; ചികിത്സയിൽ കഴിയുന്നവർ 1519
മനാമ: ബഹ്റൈനിൽ ഇന്നലെയും കോവിഡ് മരണങ്ങൾ ഒന്നും രേഖപ്പെടുത്തിയില്ല. അതേസമയം ഇന്നലെ 130 പുതിയ രോഗബാധിതരെ കൂടി കണ്ടെത്തി. നിലവിൽ രാജ്യത്ത് കോവിഡ് ബാധിച്ച് ചികിത്സയിൽ കഴിയുന്നവരുടെ എണ്ണം 1519 ആണ്. ഇന്നലെ 132 പേർ കൂടി രോഗമുക്തി നേടിയതോടെ ആകെ രോഗമുക്തി നേടിയവരുടെ എണ്ണം 84785 ആയി.
ഇപ്പോൾ 14 പേരാണ് ഗുരുതരവാസ്ഥയിൽ കഴിയുന്നത്. ഇന്നലെ 8121 പരിശോധനകൾ കൂടി നടത്തിയതോടെ ആകെ പരിശോധനകളുടെ എണ്ണം 20,33,895 ആയി. ഇന്ന് രാവിലെ 11 മണി വരെയുള്ള വിവര പ്രകാരം ഇന്ന് മരണങ്ങൾ ഒന്നും രേഖപ്പെടുത്തിയിട്ടില്ല. നിലവിൽ ആകെ മരണ സംഖ്യ 341 ആണ്.
