ഇ.പി ജയരാജന് എല്.ഡി.എഫ് കണ്വീനറോ, എന്.ഡി.എ കണ്വീനറോ?; പരിഹാസവുമായി വി.ഡി സതീശൻ
ബി.ജെ.പിയുടെ തിരുവനന്തപുരം, ആറ്റിങ്ങല്, തൃശൂര്, കോഴിക്കോട് സ്ഥാനാർഥികള് മികച്ചവരാണെന്നാണ് അഭിപ്രായപ്പെട്ട എല്.ഡി.എഫ് കണ്വീനര് ഇ.പി ജയരാജനെതിരെ പരിഹാസവുമായി പ്രതിപക്ഷ നേതാവ് വി.ഡി സതീശൻ. ഇ.പി ജയരാജന് എല്.ഡി.എഫ് കണ്വീനറാണോ എന്.ഡി.എ കണ്വീനറാണോയെന്ന് സംശയമുണ്ടെന്ന് അദ്ദേഹം പറവൂരില് നടത്തിയ വാര്ത്ത സമ്മേളനത്തിൽ പറഞ്ഞു. കേരളത്തിലെ സംഘ്പരിവാര് ശക്തികളുടെ ബി ടീം ക്യാപ്റ്റനാണ് ജയരാജന്. അതേ ടീമിന്റെ നോണ് പ്ലേയിങ് ക്യാപ്റ്റനും കോച്ചുമാണ് പിണറായി വിജയന്. ബി.ജെ.പിയുടെ തിരുവനന്തപുരം, ആറ്റിങ്ങല്, തൃശൂര്, കോഴിക്കോട് സ്ഥാനാര്ത്ഥികള് മികച്ചവരാണെന്നാണ് എല്.ഡി.എഫ് കണ്വീനര് ഇ.പി ജയരാജന് പറയുന്നത്.
തിരുവനന്തപുരത്തെ സ്ഥാനാർഥിയോട് ജയരാജന് പ്രത്യേക മമതയുണ്ട്. കേരളത്തിലെ സി.പി.എമ്മിന് ബി.ജെ.പിയുമായി അന്തര്ധാര മാത്രമല്ല, ബി.ജെ.പി നേതാക്കളുമായി സി.പി.എം നേതാക്കള് ബിസിനസ് പാര്ട്ണര്ഷിപ്പും തുടങ്ങിയിരിക്കുകയാണ്. ഇ.പി ജയരാജനും കുടുംബത്തിനും കേന്ദ്രമന്ത്രി രാജീവ് ചന്ദ്രശേഖറുമായി ബിസിനസ് പാര്ട്ണര്ഷിപ്പുണ്ട്. അന്തര്ധാരക്കും ധാരണക്കും പിന്നാലെയാണ് ഇപ്പോള് സി.പി.എം- ബി.ജെ.പി നേതാക്കള് തമ്മിലുള്ള ബിസിനസ് ബന്ധമെന്നും അദ്ദേഹം പറഞ്ഞു.
asadfsfddfs