നിയമസഭയിൽ കരുത്തായി മുസ്ലീം ലീഗ്; അഞ്ചാം മന്ത്രിസ്ഥാനത്തിനും ഉപമുഖ്യമന്ത്രി പദവിക്കുമായി ചർച്ചകൾ
പ്രദീപ് പുറവങ്കര
കോഴിക്കോട്: നിയമസഭാ തിരഞ്ഞെടുപ്പിൽ മികച്ച വിജയം കൈവരിച്ച മുസ്ലീം ലീഗ് യുഡിഎഫ് സർക്കാരിൽ നിർണായക പങ്കാളിത്തത്തിന് ഒരുങ്ങുന്നു. മത്സരിച്ച 27 സീറ്റുകളിൽ 22 ഇടത്തും വിജയിച്ച് സംസ്ഥാനത്തെ മൂന്നാമത്തെ വലിയ ഒറ്റകക്ഷിയായി ലീഗ് മാറി. 85,327 വോട്ടിന്റെ റെക്കോർഡ് ഭൂരിപക്ഷത്തോടെ വിജയിച്ച പി.കെ. കുഞ്ഞാലിക്കുട്ടി കെ.കെ. ശൈലജയുടെ റെക്കോർഡ് തിരുത്തിയാണ് സഭയിലെത്തുന്നത്.
മികച്ച പ്രകടനത്തിന്റെ പശ്ചാത്തലത്തിൽ അഞ്ചിലധികം മന്ത്രിസ്ഥാനങ്ങളും ഉപമുഖ്യമന്ത്രി പദവിയും ലീഗ് ആവശ്യപ്പെട്ടേക്കും. പി.കെ. കുഞ്ഞാലിക്കുട്ടി, പി.കെ. ബഷീർ, എൻ. ഷംസുദ്ദീൻ തുടങ്ങിയ പ്രമുഖർ സാധ്യതാ പട്ടികയിലുണ്ട്. ചരിത്രത്തിലാദ്യമായി ഒരു വനിതാ എംഎൽഎ ലീഗിൽ നിന്ന് സഭയിലെത്തുന്നു എന്ന പ്രത്യേകതയും ഇത്തവണയുണ്ട്.
അതേസമയം, തെക്കൻ കേരളത്തിൽ സീറ്റ് നേടാൻ കഴിയാത്തത് ലീഗിന് തിരിച്ചടിയായി. പുനലൂരിൽ മത്സരിച്ച ലീഗ് സ്ഥാനാർത്ഥി പരാജയപ്പെട്ടു. സ്ഥാനാർത്ഥി നിർണ്ണയത്തിലെ വൈകലും പ്രാദേശിക തർക്കങ്ങളുമാണ് ഇവിടെ വോട്ടിനെ ബാധിച്ചതെന്ന് വിലയിരുത്തപ്പെടുന്നു.
sdfsdf
