തുടര്‍ച്ചയായ 15-ാം ദിവസവും ഇന്ധന വിലയിൽ വർദ്ധന
തിരുവനന്തപുരം: രാജ്യത്ത് ഇന്ധന വില കുതിക്കുന്നു. തുടര്‍ച്ചയായ പതിനഞ്ചാം ദിനവും പെട്രോള്‍, ഡീസല്‍ വില കൂടി. രാജ്യത്തെ പ്രധാന നഗരങ്ങളില്‍ പെട്രോള്‍ ലിറ്ററിന് 35-37 പൈസ വിലകൂടിയപ്പോള്‍ ഡീസല്‍ ലിറ്ററിന് 60-62 പൈസവരെ ഇന്ന് വര്‍ദ്ധിച്ചു.
കഴിഞ്ഞ രണ്ടാഴ്ചയ്ക്കുള്ളില്‍ പെട്രോളിന് 8 രൂപയോളവും ഡീസലിന് 8.43 രൂപയുമാണ് കൂട്ടിയത്. ദിനംപ്രതിയുള്ള ഇന്ധന വില വര്‍ദ്ധനവില്‍ രാജ്യത്ത് വന്‍ പ്രതിഷേധമാണ് ഉണ്ടായിക്കൊണ്ടിരിക്കുന്നത്. ഇന്നലെ ഡല്‍ഹിയില്‍ പെട്രോള്‍ വില ലിറ്ററിന് 51 പൈസയും, ഡീസല്‍ ലിറ്ററിന് 61 പൈസയുമാണ് കൂടിയത്.
