ബഹ്റൈൻ കിരീടാവകാശി ശ്രീലങ്കൻ അംബാസിഡറുമായി കൂടിക്കാഴ്ച നടത്തി
ശ്രീലങ്കയുമായി വിവിധ മേഖലകളിൽ മികച്ച സഹകരണമാണുള്ളതെന്ന് കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫ വ്യക്തമാക്കി. ബഹ്റൈനിലേക്ക് പുതുതായി നിയോഗിക്കപ്പെട്ട ശ്രീലങ്കൻ അംബാസഡർ ഹീരാത് മോഡി യാൻസ്ലാജിയെ സ്വീകരിച്ച് സംസാരിക്കുകയായിരുന്നു അദ്ദേഹം. ബഹ്റൈനുമായി ബന്ധം ശക്തമാക്കുന്നതിനും വിവിധ മേഖലകളിൽ സഹകരണം വ്യാപിപ്പിക്കുന്നതിനും ശ്രീലങ്ക ഒരുക്കമാണെന്ന് അംബാസഡർ പറഞ്ഞു.
ഇരുരാജ്യങ്ങളും തമ്മിൽ വർഷങ്ങളായുള്ള നയതന്ത്രബന്ധം ശക്തമായി തുടരുന്നതിൽ കിരീടാവകാശി സന്തുഷ്ടി പ്രകടിപ്പിച്ചു. ഏൽപിക്കപ്പെട്ട ചുമതല ഭംഗിയായി നിർവഹിക്കാൻ അംബാസഡർക്ക് സാധിക്കട്ടെയെന്നും അദ്ദേഹം ആശംസിച്ചു. ഗുദൈബിയ പാലസിൽ നടന്ന കൂടിക്കാഴ്ചയിൽ ഹമദ് രാജാവിന്‍റെ പ്രതിനിധി ശൈഖ് അബ്ദുല്ല ബിൻ ഹമദ് ആൽ ഖലീഫ, ധനകാര്യമന്ത്രി ശൈഖ് സൽമാൻ ബിൻ ഖലീഫ ആൽ ഖലീഫ എന്നിവരും സന്നിഹിതരായിരുന്നു.
െിേ്െി
