എം.എം.ടി മലയാളി മനസ്സ് സ്നേഹസ്പർശം 2025' സംഘടിപ്പിച്ചു
പ്രദീപ് പുറവങ്കര/മനാമ
ബഹ്റൈൻ ദേശീയ ദിനവും എം.എം.ടി മലയാളി മനസ്സ് സംഘടനയുടെ എട്ടാം വാർഷികവും 'സ്നേഹസ്പർശം 2025' എന്ന പേരിൽ സിഞ്ച് അൽ അഹ്ലി ക്ലബ് ഓഡിറ്റോറിയത്തിൽ ആഘോഷിച്ചു. പ്രസിഡന്റ് ഫിറോസ് മാഹിയുടെ അധ്യക്ഷതയിൽ നടന്ന ചടങ്ങ് രക്ഷാധികാരി ബഷീർ അമ്പലായി ഉദ്ഘാടനം ചെയ്തു. പ്രമുഖ ജീവകാരുണ്യ പ്രവർത്തകൻ സാബു ചിറമേലിനെ ചടങ്ങിൽ അവാർഡ് നൽകി ആദരിച്ചു.
ജീവകാരുണ്യ പ്രവർത്തനങ്ങളുടെ ഭാഗമായി ഓട്ടിസം ബാധിച്ച കുട്ടിക്ക് ചികിത്സാസഹായവും പിതാവ് നഷ്ടപ്പെട്ട പ്രവാസി കുടുംബത്തിന് സാമ്പത്തിക സഹായവും കൈമാറി. സുധീർ തിരുനിലത്ത്, ഫസൽ ഭായ്, ബിനു ബിജു എന്നിവർ ആശംസകൾ നേർന്നു. മഹേഷ് കുഞ്ഞുമോന്റെ മിമിക്രിയും മിഥുൻ, പാർവ്വതി മേനോൻ എന്നിവരുടെ ഗാനമേളയും ആഘോഷങ്ങൾക്ക് മാറ്റുകൂട്ടി. എബിമോൻ യോഹന്നാൻ സ്വാഗതവും ജീന നന്ദിയും പറഞ്ഞു. ജി. ആനന്ദന്റെ നേതൃത്വത്തിലുള്ള കമ്മിറ്റിയാണ് പരിപാടികൾ ഏകോപിപ്പിച്ചത്.
dfdfd
