ബി.കെ.എസ് ഓപ്പൺ ബാഡ്മിന്റൺ ടൂർണമെന്റ് ഒക്ടോബർ 18 മുതൽ: രജിസ്ട്രേഷൻ ആരംഭിച്ചു
പ്രദീപ് പുറവങ്കര
മനാമ l ബഹ്‌റൈൻ കേരളീയ സമാജം സംഘടിപ്പിക്കുന്ന രണ്ടാമത് ബി.കെ.എസ് ഓപ്പൺ ജൂനിയർ & സീനിയർ ബാഡ്മിന്റൺ ടൂർണമെന്റ് 2025 ഒക്ടോബർ 18 മുതൽ 26 വരെ സമാജം ഇൻഡോർ സ്റ്റേഡിയത്തിൽ നടക്കും. കായികക്ഷമത, മത്സരം, ഐക്യം എന്നിവ പ്രോത്സാഹിപ്പിക്കുന്നതിനൊപ്പം ബഹ്‌റൈനിലെ കഴിവുറ്റ ബാഡ്മിന്റൺ കളിക്കാരെ ഒരുമിപ്പിക്കുക എന്ന ലക്ഷ്യത്തോടെയാണ് ഈ ടൂർണമെൻ്റ് സംഘടിപ്പിക്കുന്നത്. വിവിധ മത്സര ഇനങ്ങളിലായി ജൂനിയർ, സീനിയർ വിഭാഗങ്ങളിലായാണ് ടൂർണമെൻ്റ് നടക്കുക. ടൂർണമെൻ്റിൻ്റെ രജിസ്ട്രേഷൻ ആരംഭിച്ചതായി ഇൻഡോർ ഗെയിംസ് സെക്രട്ടറി നൗഷാദ് മുഹമ്മദ് അറിയിച്ചു.
ടൂർണമെന്റിൽ പങ്കെടുക്കാൻ ആഗ്രഹിക്കുന്നവർക്ക് രജിസ്റ്റർ ചെയ്യുന്നതിനുള്ള അവസാന തീയതി 2025 ഒക്ടോബർ 10 ആണ്. താൽപര്യമുള്ള കളിക്കാർക്ക് താഴെ നൽകിയിട്ടുള്ള ഔദ്യോഗിക ലിങ്ക് വഴി രജിസ്റ്റർ ചെയ്യാവുന്നതാണ്:
രജിസ്ട്രേഷൻ ലിങ്ക്:
tournamentsoftware.com/tournament/36F5D53A-4A31-4795-83D6-F6A98AEC90E1
കായികരംഗത്തെ കഴിവുകൾ പ്രോത്സാഹിപ്പിക്കാനും സമൂഹത്തിൽ സ്പോർട്‌സ് സ്പിരിറ്റ് വർദ്ധിപ്പിക്കാനും ടൂർണമെൻ്റ് സഹായിക്കുമെന്ന് സമാജം പ്രസിഡൻ്റ് പി.വി.രാധാകൃഷ്ണപിള്ളയും വർഗ്ഗീസ് കാരക്കലും വാർത്തകുറിപ്പിലൂടെ അറിയിച്ചു.
കൂടുതൽ വിവരങ്ങൾക്ക് നൗഷാദ് മുഹമ്മദ് (ഇൻഡോർ ഗെയിംസ് സെക്രട്ടറി): 3977 7801, പോൾസൺ ലോനപ്പൻ (ടൂർണമെൻ്റ് ഡയറക്ടർ): 3916 5761, ജെയിംസ് ജോസഫ് (ജനറൽ കൺവീനർ): 3307 8662 എന്നിവരുമായി ബന്ധപ്പെടാവുന്നതാണ്.
cxvxv
