ഹാദിയ വിമൻസ് അക്കാദമി സംഘടിപ്പിച്ച ക്വിസ് മത്സരത്തിലെ വിജയികളെ പ്രഖ്യാപിച്ചു
പ്രദീപ് പുറവങ്കര
മനാമ l ഇന്ത്യൻ കൾച്ചറൽ ഫൗണ്ടേഷൻ മീലാദ് കാമ്പയിനിന്റെ ഭാഗമായി ഹാദിയ വിമൻസ് അക്കാദമി പഠിതാക്കൾക്കായി സംഘടിപ്പിച്ച ക്വിസ് മത്സരത്തിലെ വിജയികളെ പ്രഖ്യാപിച്ചു. ഇന്റർനാഷനൽ തലത്തിൽ ഓൺലൈനായി തടത്തിയ മത്സരത്തിൽ ബഹ്റൈനിൽനിന്നുള്ള മുഹ്സിന ശമീർ, റാസി ഉസ്മാൻ എന്നിവർ ഉയർന്ന മാർക്ക് നേടി ഒന്നാം റാങ്ക് കരസ്ഥമാക്കി.
താഹിറ അബ്ദുല്ല, ഹസ്ന, മർവ, സഫരിയ്യ അബ്ദുൽ സത്താർ, ശമീല ബക്കർ സിദ്ദീഖ്, മൻസൂറ റയീസ്, ഷറഫുന്നിസ റഫീഖ് എന്നിവർ രണ്ടാം സ്ഥാനവും സ്വാലിഹ ഉസ്മാൻ, റുബീന, തസ്നി എന്നിവർ മൂന്നാം സ്ഥാനവും കരസ്ഥമാക്കി.
വനിതാ പഠന സംരംഭമായ ഹാദിയ വിമന്‍സ് അക്കാദമിയുടെ കീഴിൽ മുഹറഖ്, മനാമ, ഗുദൈബിയ, സല്‍മാബാദ്, ഉമ്മുല്‍ ഹസം, റിഫ, ഈസാടൗണ്‍, ഹമദ് ടൗണ്‍ എന്നീ പഠനകേന്ദ്രങ്ങളിലായി വിവിധ വിഷയങ്ങളിൽ പരിശീലന ക്ലാസുകളും മത്സരങ്ങളും നടന്നുവരുന്നുണ്ട്. മത്സര വിജയികളെയും ഹാദിയ പഠിതാക്കളെയും ഐ.സി.എഫ്. ബഹ്റൈൻ നാഷനൽ കമ്മിറ്റി അഭിനന്ദിച്ചു.
xcxcv
