ബഹ്റൈനിലെ കൊല്ലം പ്രവാസി അസോസിയേഷൻ ഗുദേബിയ ഏരിയ കമ്മിറ്റി ഓണപരിപാടികൾ സംഘടിപ്പിച്ചു
പ്രദീപ് പുറവങ്കര
മനാമ l ബഹ്റൈനിലെ കൊല്ലം പ്രവാസി അസോസിയേഷൻ 10 ഏരിയകളിലായി നടത്തി വരുന്ന പോന്നോണം 2025ന്റെ ഭാഗമായി ഗുദേബിയ ഏരിയ കമ്മിറ്റിയുടെ നേതൃത്വത്തിൽ ഓറ ആർട്സ് സെന്ററിൽ വച്ച് ഗുദേബിയ ഏരിയയുടെ ഓണപരിപാടികൾ സംഘടിപ്പിച്ചു. കെ.പി.എ പ്രസിഡന്റ് അനോജ് മാസ്റ്റർ കെ പി എ പൊന്നോണം 2025 ഉദ്ഘാടനം ചെയ്തു.
aa
ചടങ്ങിൽ ഐ സി ആർ എഫ് മുൻ ചെയർമാൻ ഡോക്ടർ ബാബു രാമചന്ദ്രൻ മുഖ്യ അതിഥിയായും ന്യൂ ഇന്ത്യൻ സ്കൂൾ പ്രിൻസിപ്പൽ കെ ഗോപിനാഥൻ മേനോൻ വിശിഷ്ട അതിഥിയായും പങ്കെടുത്തു. കെ പി എ ഗുദൈബിയ ഏരിയ പ്രസിഡന്റ് തോമസ് ബി കെ അധ്യക്ഷത വഹിച്ച ചടങ്ങിന് ഏരിയ സെക്രട്ടറി മുഹമ്മദ് ഷഹനാസ് ഷാജഹാൻ സ്വാഗതം പറഞ്ഞു.
കെ.പി.എ ജനറൽ സെക്രട്ടറി പ്രശാന്ത് പ്രബുദ്ധൻ, ട്രഷറർ മനോജ് ജമാൽ, വൈസ് പ്രസിഡന്റ് കോയി വിള മുഹമ്മദ് കുഞ്ഞ്, സെക്രട്ടറിമാരായ അനിൽകുമാർ, രജീഷ് പട്ടാഴി, അസിസ്റ്റന്റ് ട്രഷറർ കൃഷ്ണകുമാർ ,ഏരിയ കോർഡിനേറ്റർ വിനീത് അലക്സാണ്ടർ , ഏരിയ ട്രഷറർ അജേഷ് വി പി, ഏരിയ വൈസ് പ്രസിഡന്റ് അജിത് കുമാർ വി പി എന്നിവർ ആശംസകൾ അറിയിച്ചു. പ്രോഗ്രാം കമ്മിറ്റി കൺവീനർ ശ്രീലാൽ ഓച്ചിറ ചടങ്ങിന് നന്ദി രേഖപ്പെടുത്തി.
വിഭവസമൃദ്ധമായ ഓണസദ്യയോടൊപ്പം , അംഗങ്ങൾ അവതരിപ്പിച്ച കലാ പരിപാടികളും , കുട്ടികളും, കെപിഎ കുടുംബാംഗങ്ങളും പങ്കെടുത്ത വിവിധ ഓണക്കളികളും ആഘോഷങ്ങൾക്ക് മാറ്റുകൂട്ടി.
