സൗദിയിലേക്ക് വീണ്ടും ഹൂതികളുടെ മിസൈൽ
റിയാദ് : സൗദി അറേബ്യ ലക്ഷ്യമിട്ട് ഹൂതികളുടെ ഇരട്ട മിസൈൽ ആക്രമണം. നജ്റാനിലെ ജനവാസ കേന്ദ്രം ലക്ഷ്യം വെച്ചായിരുന്നു ആക്രമണം. മിസൈലുകൾ ലക്ഷ്യത്തിലെത്തും മുന്പെ നിലം പതിച്ചു. വെള്ളിയാഴ്ച വൈകുന്നേരമാണ് ഹൂതികൾ രണ്ട് മിസൈലുകൾ അയച്ചത്. തെക്കു പടിഞ്ഞാറൻ പ്രവിശ്യയായ നജ്റാൻ ലക്ഷ്യമിട്ട് പറന്ന മിസൈലുകൾ സൗദി സൈന്യം തകർത്തു. സഖ്യസേനാ വക്താവ് കേണൽ തുർക്കി അൽ മാലിക്കിയാണ് വിവരങ്ങൾ അറിയിച്ചത്.
വിക്ഷേപിച്ച മിസൈലുകളിൽ ഒന്ന് യെമനിൽ ഉൾപ്പെടുന്ന സആദ പ്രവിശ്യയിൽ തന്നെ പതിച്ചു. രണ്ടാമത്തേത് ജനവാസമില്ലാത്ത മരുഭൂമയിലും. നജ്റാനിലെ ജനവാസ പ്രദേശങ്ങളായിരുന്ന ലക്ഷ്യം. വൈകിട്ട് 6.45ന് മിസൈലുകൾ സൗദി വ്യോമ പ്രതിരോധ സേനയുടെ ശ്രദ്ധയിൽ പെട്ടിരുന്നു.
