ജോലിക്കിടെ ടിക് ടോക്; ഉദ്യോഗസ്ഥര്ക്കെതിരെ നടപടിയെടുത്ത് ജില്ലാ കളക്ടര്
തെലങ്കാന: ജോലിക്കിടെ ടിക് ടോക്ക് വീഡിയോ ചിത്രീകരിച്ച സര്ക്കാര് ഉദ്യോഗസ്ഥര്ക്കെതിരെ നടപടിയെടുത്ത് ജില്ലാ കളക്ടര്. ജോലി സമയത്ത് ടിക് ടോക്കില് അഭിനയിച്ചവരെ സ്ഥലം മാറ്റിയതിന് ഒപ്പം ഇവരുടെ ശമ്പളവും വെട്ടിക്കുറച്ചു. തെലങ്കാനയിലെ ഖമ്മം മുന്സിപ്പല് കോര്പ്പറേഷനിലെ സര്ക്കാര് ഉദ്യോഗസ്ഥരെയാണ് ഡ്യൂട്ടിക്കിടെ ടിക് ടോക്ക് വീഡിയോയില് അഭിനയിച്ചതിന് സ്ഥലം മാറ്റിയത്.
ജീവനക്കാരുടെ ടിക് ടോക്ക് വീഡിയോ വൈറലായതോടെ ഇതിനെതിരെ നിരവധി വിമര്ശനങ്ങളും ഉയര്ന്നിരുന്നു. ജനങ്ങള്ക്ക് വേണ്ടി ജോലി ചെയ്യാന് സമയമില്ലാതെ ടിക് ടോക് ചെയ്ത ഇവരെ സസ്പെന്ഡ് ചെയ്യണമെന്നായിരുന്നു സോഷ്യല് മീഡിയയിലെ വിമര്ശനങ്ങള്.
