ഐ.എസ് ബന്ധം : എയർ ഹോസ്റ്റസ് തീവ്രവാദ വിരുദ്ധ സംഘത്തിന്റെ നിരീക്ഷണത്തിൽ
ന്യൂഡൽഹി : ഐ.എസ് ബന്ധത്തിന്റെ പേരിൽ എയർ ഹോസ്റ്റസ് തീവ്രവാദ വിരുദ്ധ സ്ക്വാഡിന്റെ നിരീക്ഷണത്തിൽ. ഐ.എസ് ബന്ധത്തിന്റെ പേരിൽ അറസ്റ്റ് ചെയ്യപ്പെട്ടവരെ ചോദ്യം ചെയ്തപ്പോഴാണ് എയർ ഹോസ്റ്റസിന്റെ പേര് അന്വേഷണ സംഘത്തിന്റെ ശ്രദ്ധയിൽപ്പെടുന്നത്. അറസ്റ്റിലായ അഭിഭാഷകൻ ഉബൈദ് മിസ്രയുമായി എയർ ഹോസ്റ്റസ് അടുത്ത ബന്ധം പുലർത്തിയിരുന്നെന്നും വിവരമുണ്ട്.
മതമൗലികവാദികളായ യുവാക്കളെ ഉപയോഗിച്ച് എയർ ഹോസ്റ്റസിന്റെ സഹായത്തോടെ ഇന്ത്യയിലേക്ക് സ്വർണ്ണം കടത്താൻ ഇവർ പദ്ധതിയിട്ടിരുന്നുവെന്നും തീവ്രവാദ വിരുദ്ധ സ്ക്വാഡ് അറിയിച്ചു. ഉബൈദും മറ്റൊരു യുവാവും തമ്മിൽ നടത്തിയ ഫോൺ സംഭാഷണത്തിലാണ് ഇക്കാര്യം വ്യക്തമായത്. തമിഴിനാട്ടിലേക്കോ മുംബൈയിലേക്കോ സ്വർണ്ണം കടത്താനായിരുന്നു പദ്ധതി.
കൊൽക്കത്തയിൽ നിന്ന് ബംഗ്ലാദേശിലേക്ക് യുവാക്കളെ കടത്താൻ പദ്ധതിയിട്ട ഷാസിയ എന്ന സ്ത്രീയെക്കുറിച്ചും തീവ്രവാദ വിരുദ്ധ സ്ക്വാഡ് അന്വേഷിക്കുന്നുണ്ട്. 2014ൽ നാല് ഇന്ത്യൻ യുവാക്കളെ ബംഗ്ലാദേശ് വഴി സിറിയയിലേക്ക് കടത്താൻ ഇവർ പദ്ധതിയിട്ടിരുന്നു.
