സച്ചിൻ ഒരു ഗ്രാമം കൂടി ദത്തെടുത്തു
ന്യൂഡൽഹി: സച്ചിൻ ടെൻഡുൽക്കർ മഹാരാഷ്ട്രയിൽ ഒരു ഗ്രാമം കൂടി ദത്തെടുത്തു. സൻസാദ് ആദർശ് ഗ്രാമ യോജന പദ്ധതി പ്രകാരം ഒസമനാബാദ് ജില്ലയിലെ ഡോൻജ ഗ്രാമമാണ് ഏറ്റെടുത്തത്. നാലു കോടിയുടെ വികസന പദ്ധതികൾ നടത്താനാണ് തീരുമാനം. ഇതിൽ പുതിയ സ്കൂൾ, എല്ലാ വീടുകളിലേക്കുമുള്ള ജലവിതരണ പദ്ധതി, കോണ്‍ക്രീറ്റ് റോഡ്, അഴുക്കുചാലുകൾ തുടങ്ങിയവ നിർമിക്കാനാണ് തീരുമാനം. മുൻപ് സച്ചിൻ ആന്ധ്രപ്രദേശിലെ ഗുഡൂരിനടുത്തുള്ള പുട്ടമരാജുവാരി കാൻഡ്രിഗ ഗ്രാമം ദത്തെടുത്തിരുന്നു.
