പാനിന്റെ പുതുവർഷാഘോഷങ്ങൾ ഫെബ്രുവരി 10ന്
മനാമ : പ്രവാസി അസോസിയേഷൻ ഓഫ് അങ്കമാലിയുടെ (പാൻ) നേതൃത്വത്തിൽ ഫെബ്രുവരി പത്തിന് സൽമാനിയയിലെ മർമാരിസ് ഹാളിൽ ഫ്രണ്ട്സ്ഷിപ്പ് ബാങ്ക്റ്റ് ആന്റ് മ്യൂസിക് നൈറ്റ് എന്ന പേരിൽ ക്രിസ്തുമസ് - പുതുവത്സരാഘോഷങ്ങൾ സംഘടിപ്പിക്കുമെന്ന് പ്രസിഡണ്ട് പൗലോസ് പള്ളിപ്പാടൻ, ജനറൽ സെക്രട്ടറി തോമസ് ചിറമ്മൽ എന്നിവർ അറിയിച്ചു. ജനറൽ കൺവീനർ ഫ്രാൻസിസ് കൈതാരത്തിന്റെ നേതൃത്വത്തിൽ ഇതിനായി ആഘോഷ കമ്മിറ്റി രൂപികരിച്ചിട്ടുണ്ട്. കലാസാംസ്കാരിക രംഗത്തും, ജീവകാരുണ്യ മേഖലയിലും സജീവമായി പ്രവർത്തിക്കുന്ന സംഘടനയായ പാൻ 2006ലാണ് രൂപീകൃതമായത്.
