ഗർഭം അലസിപ്പിക്കൽ മരുന്നുകളുടെ ഓൺലൈൻ വിപണനത്തിനെതിരെ നടപടി
മനാമ: ഗർഭം അലസിപ്പിക്കൽ മരുന്നുകളുടെ ഓൺലൈൻ വിപണനത്തിനെതിരെ ആരോഗ്യവകുപ്പ് അധികാരികൾ കർശ്ശനമായ നടപടികളെടുക്കാൻ ഒരുങ്ങുന്നു. ഗർഭം അലസിപ്പിക്കുന്ന നിരവധി ഉൽപ്പന്നങ്ങളാണ് ഓൺലൈൻ സൈറ്റുകളുടെ സഹായോത്തെടെ വിൽക്കുന്നത്. ഇത് രാജ്യത്ത് നിയമവിരുദ്ധമാണെന്ന് നാഷണൽ ഹെൽത്ത് റെഗുലേറ്ററി അതോറിറ്റി സി.ഇ.ഒ ഡോ. മറിയം അൽ ജലാമ അറിയിച്ചു. ആഭ്യന്തര മന്ത്രാലയത്തിലെ ആന്റികറപ്ഷൻ, സാന്പത്തിക -ഇലക്ട്രോണിക് സെക്യൂരിറ്റി ജനറൽ ഡയറക്ടറേറ്റ് ഏകോപനത്തോടെ സോഷ്യൽ മീഡിയ നെറ്റ-്വർക്കുകളിൽ കണ്ടെത്തിയ ഇത്തരത്തിലുള്ള എല്ലാ വെബ്സൈറ്റുകൾക്കും സോഷ്യൽ മീഡിയ അക്കൗണ്ടുകൾക്കും എതിരെ നാഷണൽ ഹെൽത്ത് റെഗുലേറ്ററി അതോറിറ്റി നിയമ നടപടികൾ ആരംഭിച്ചിട്ടുണ്ടെന്നും ഡോ. മറിയം അൽ ജലാമ അറിയിച്ചു.
