ബഹ്റൈനിൽ സയ്യിദ് ടൗൺ എക്സിറ്റിന്റെ പണി പൂർത്തിയായി
മനാമ : ഷെയ്ഖ് സൽമാൻ ഹൈവേയിൽ നിന്ന് ഇസാടൗൺ ഡ്രൈവിംഗ് സ്കൂളിന്റെ വടക്ക് ഭാഗം വരെയുള്ള പുതിയ എക്സിറ്റ് നിർമ്മാണം മന്ത്രാലയം പൂർത്തീകരിച്ചതായി തൊഴിൽ, മുനിസിപ്പാലിറ്റി അഫയേഴ്സ് ആന്റ് അർബൻ പ്ലാനിംഗ് മന്ത്രി എസാം ബിൻ അബ്ദുള്ള ഖലാഫ് അറിയിച്ചു.
ഇവിടെ പൂർത്തിയാക്കിയ ഭവന നിർമ്മാണ മേഖലകളിലേയ്ക്കുള്ള ഗതാഗതക്കുരുക്കിന് പരിഹാരം കണ്ടെത്താനും ഷെയ്ഖ് സൽമാൻ ഹൈവേയിൽ നിന്നും സയ്യിദ് ടൗണിലേയ്ക്ക് ഒരു പ്രവേശന കവാടം നിർമ്മിക്കുകയുമായിരുന്നു പദ്ധതിയുടെ ലക്ഷ്യം.
സയ്യിദ് ടൗണിൽ നിന്ന് റിഫയിലേയ്ക്ക് ഇസാടൗൺ ഗേറ്റ് ട്രാഫിക് സിഗ്നൽ കടക്കാതെ പോവാനുള്ള എളുപ്പ മാർഗ്ഗം കൂടിയാണിത്. പുതിയ പരിഷ്കാരത്തോടെ ഇസാടൗൺ ഗേറ്റ് ഇന്റർചേഞ്ച്, സാൽമബാദ് ഇന്റർചേഞ്ച് എന്നിവിടങ്ങളിൽ ഗതാഗതക്കുരുക്കുകൾ കുറയുമെന്നും മന്ത്രി അറിയിച്ചു.
