ബഹ്‌റിനിൽ മാലിന്യനിർമാർജനം താറുമാറാകുന്നു
അതുപോലെ തന്നെ പലയിടങ്ങളിലും മാലിന്യം നീക്കം ചെയ്യാനുള്ള ഗാർബേജ് ട്രക്കുകൾ ലഭ്യമാകാറില്ല. ഇത് മാലിന്യങ്ങൾ പലയിടങ്ങളിലും ചീഞ്ഞളിഞ്ഞു കിടന്നു ദുർഗന്ധം പരത്തുന്നതിന് കാരണമാകുന്നു. ദുർഗന്ധം അസഹനീയമാകുന്നതോടെ ചില വീട്ടുകാർ ചേർന്ന് പണം സ്വരൂപിച്ച് ഗാർബേജ് ട്രക്കുകൾക്ക് വാടക നൽകാനും തയ്യാറാകുന്നു.
റമദാന്റെ അവസാന ദിവസങ്ങളിൽ തുടങ്ങിയ ഈ പ്രശ്നത്തിന് പരിഹാരം കാണുവാൻ മുനിസിപ്പാലിറ്റി കൗൺസിലർമാർക്ക് പോലും സാധിക്കുന്നില്ല
ജനങ്ങളുടെ നിരന്തരമായുള്ള പരാതിയെ തുടർന്ന് വർക്സ്,മുനിസിപ്പാലിറ്റി അഫയേഴ്‌സ് ആൻഡ് അർബൻ പ്ലാനിങ് വകുപ്പ് മന്ത്രി ഇസ്സാം ഖലാഫ് സ്ഥലം സന്ദർശിച്ചിരുന്നു. കൂടുതൽ ഉപകരണങ്ങളും പ്രയത്നവുമെടുത്ത് മാലിന്യം എത്രയും വേഗം നീക്കം ചെയ്യാൻ മന്ത്രി ഉത്തരവിടുകയും ചെയ്തു. കമ്പനിയ്ക്ക് തങ്ങളുടെ വെല്ലുവിളികൾ പരിഹരിക്കുവാൻ കുറച്ച് സമയം ആവശ്യമാണെന്നും, മാലിന്യം കൃത്യമായി നിർമാർജനം ചെയ്യുമെന്നും അദ്ദേഹം ഉറപ്പു നൽകി.
