രാമായണം പുനഃ സംപ്രേക്ഷണം ചെയ്യുന്നു
ന്യൂഡൽഹി: രാമായണം ദൂരദർശനിൽ വീണ്ടും പുനഃസംപ്രേഷണം ചെയ്യുന്നു. കേന്ദ്ര വാർത്ത വിതരണ മന്ത്രി പ്രകാശ് ജാവദേക്കറാണ് ഇതിനെക്കുറിച്ച് ട്വീറ്റ് ചെയ്തത്. പൊതുജനങ്ങളുടെ നിരന്തരമായ ആവശ്യത്തെ തുടർന്നാണ് ഈ തീരുമാനമെന്ന് അദ്ദേഹം കുറിച്ചു. ശനിയാഴ്ച മുതൽ രാവിലെ ഒൻപത് മുതൽ 10 വരെയും രാത്രി ഒൻപത് മുതൽ 10 വരെയുമാണ് സീരിയൽ പുനഃസംപ്രേഷണം ചെയ്യുന്നത്.
1987ലാണ് ആദ്യമായി രാമായണം ദൂരദര്‍ശന്‍ വഴി പ്രക്ഷേപണം ചെയ്തത്. സിനിമ സംവിധായകന്‍ രാമനന്ദ സാഗര്‍ ആണ് ഈ പരമ്പരയുടെ നിര്‍മാതാവ്. ഇത് പോലെ തന്നെ ബി.ആര്‍. ചോപ്ര സംവിധാനം ചെയ്ത മഹാഭാരതം സീരിയലും ദൂരദര്‍ശന്‍ പുനഃസംപ്രേഷണം ചെയ്യണം എന്ന ആവശ്യവും ഉയരുന്നുണ്ട്.
