ബിവറേജസ് ഔട്ട്‌ലെറ്റുകൾ പൂട്ടും; അനിശ്ചിതകാലത്തേക്ക് തുറക്കില്ലെന്ന് എംഡി
തിരുവനന്തപുരം: രാജ്യത്ത് സന്പൂർണ ലോക്കൗട്ട് പ്രഖ്യാപിച്ച സാഹചര്യത്തിൽ സംസ്ഥാനത്തെ ബിവറേജസ് ഔട്ട്‌ലെറ്റുകൾ അടയ്ക്കാൻ തീരുമാനമായി. വിൽപന ശാലകൾ ഇന്നു മുതൽ തുറക്കില്ല. ഇന്ന് ഔട്ട്‌ലെറ്റുകൾ തുറക്കേണ്ടെന്ന നിർദേശം എക്സൈസ് മന്ത്രി ബെവ്കോ എംഡി സ്പർജൻ കുമാറിനു നൽകി. ഇക്കാര്യം എംഡി മാനേജർമാരെ അറിയിച്ചു. എന്നുവരെ അടച്ചിടണം എന്ന കാര്യത്തിൽ ഇന്ന് ചേരുന്ന മന്ത്രിസഭാ യോഗം തീരുമാനമെടുക്കും.
കേന്ദ്ര സർക്കാർ രാജ്യമൊട്ടാകെ സന്പൂർണ ലോക്ഡൗണ്‍ പ്രഖ്യാപിച്ചതിന്‍റെ മാർഗനിർദേശങ്ങളിൽ ബിവറേജസ് അവശ്യസേവനത്തിൽ ഉൾപ്പെടുന്നില്ല. ജനത കർഫ്യൂ ആചരിച്ച ഞായറാഴ്ചയും ബിവറേജസ് ഔട്ട്‌ലെറ്റുകളൊന്നും തുറന്നിരുന്നില്ല.
