നെടുമ്പാശേരിയിൽ വീണ്ടും സ്വർണവേട്ട: ഒന്നേകാൽ കോടിയുടെ സ്വർണവുമായി മൂന്നു പേർ പിടിയിൽ
കൊച്ചി: കൊച്ചി അന്താരാഷ്ട്ര വിമാനത്താവളത്തിൽ വീണ്ടും സ്വർണവേട്ട. വിമാനത്താവളം വഴി സ്വർണം കടത്തുന്നതിനിടെ മൂന്നു പേരെ എയർ കസ്റ്റംസ് ഇന്‍റലിജൻസ് വിഭാഗം പിടികൂടി. കോഴിക്കോട്, മലപ്പുറം സ്വദേശികളായ മൂന്നു പേരാണ് പിടിയിലായത്. അനധികൃതമായി കടത്താൻ ശ്രമിച്ച മൂന്നേമുക്കാൽ കിലോ സ്വർണം ഇവരിൽ നിന്ന് പിടിച്ചെടുത്തു. ഒന്നേകാൽ കോടി രൂപ വിലവരുന്ന സ്വർണമാണിത്. ക്യാപ്സൂൾ രൂപത്തിലും പേസ്റ്റ് രൂപത്തിലുമാണ് ഇവർ സ്വർണം കടത്താൻ ശ്രമിച്ചത്.
