പൊലീസുകാരന്‍ എ.കെ.47 തോക്ക് വൃത്തിയാക്കുന്നതിനിടെ വെടിപൊട്ടി
തിരുവനന്തപുരം: പൊലീസുകാരന്‍ എ.കെ.47 തോക്ക് വൃത്തിയാക്കുന്നതിനിടെ വെടിപൊട്ടി. തിരുവനന്തപുരം എ.ആര്‍.ക്യാമ്പിലാണ് സംഭവം നടക്കുന്നത്.
നിയമസഭ സമ്മേളനം നടക്കുന്നതിനാല്‍ മലപ്പുറം ആര്‍ആര്‍എഫിലെ സേനാംഗങ്ങളെ തലസ്ഥാനത്ത് വിന്യസിച്ചിട്ടുണ്ട്. തിരുവനന്തപുരം എ ആര്‍ ക്യമ്പില്‍ നിന്നും ആയുധങ്ങളെടുത്താണ് രാവിലെ സേനാംഗങ്ങള്‍ പോകുന്നത്. ഇന്ന് ജോലിക്കെത്തിയ പ്രേം കുമാറെന്ന പൊലീസുകാരന്‍ എ കെ 47 തോക്കും തിരുകളും വാങ്ങിയ ശേഷം പുറത്തേക്കിറങ്ങി. മാഗസിന്‍ തോക്കില്‍ ഘടിപ്പിച്ച ശേഷം തോക്കു വൃത്തിയാക്കുന്നതിനിടെയാണ് അബദ്ധത്തില്‍ അഞ്ചു റൗണ്ട് വെടിപൊട്ടിയത്. ആകാശകത്തേക്കാണ് തിരകള്‍ പോയത്. തലനാരിക്ക് വന്‍ ദുരന്തം ഒഴിവായെന്നാണ് ദൃക്‌സാക്ഷികള്‍ പറയുന്നു.എം എസ്‌ പി കമാന്‍ഡന്റ് അന്വേഷണത്തിന് ഉത്തരവിട്ടുണ്ട്.
