വാഗ്നര് കൂലിപ്പട്ടാള തലവന് യവ്ഗിനി പ്രിഗോഷിന് കൊല്ലപ്പെട്ടു
വാഗ്നര് കൂലിപ്പട്ടാള തലവന് യവ്ഗിനി പ്രിഗോഷിന് കൊല്ലപ്പെട്ടു. പ്രിഗോഷിന് വിമാനാപകടത്തില് കൊല്ലപ്പെട്ടു എന്നാണ് റഷ്യയുടെ വിശദീകരണം. മോസ്കോയുടെ വടക്ക് ഭാഗത്തുള്ള ത്വെര് മേഖലയില് വച്ചാണ് വിമാനം അപകടത്തില്പ്പെട്ടത്. കഴിഞ്ഞ ജൂണ് മാസത്തില് പ്രിഗോഷിന് റഷ്യയില് അട്ടിമറി നീക്കം നടത്തിയിരുന്നു.
മോസ്കോയിലേക്ക് സെന്റ് പീറ്റേഴ്സ് ബര്ഗിലേക്ക് പോകുകയായിരുന്ന വിമാനം തകര്ന്നുവീണെന്ന് റഷ്യയുടെ എമര്ജന്സി സിറ്റുവേഷന്സ് മന്ത്രാലയമാണ് ആദ്യമായി സ്ഥിരീകരിക്കുന്നത്. പിന്നീട് വിമാനത്തില് പത്ത് പേര് ഉണ്ടായിരുന്നെന്നും അതില് പ്രിഗോഷിനും ഉള്പ്പെട്ടിരുന്നെന്നും വ്യോമയാന മന്ത്രാലയം സ്ഥിരീകരിക്കുകയായിരുന്നു. വിമാനത്തിലുണ്ടായിരുന്ന ക്രൂ അംഗങ്ങള് ഉള്പ്പെടെ പത്തുപേരും കൊല്ലപ്പെട്ടെന്നാണ് റഷ്യന് മാധ്യമമായ സ്പുട്നിക് ന്യൂസ് റിപ്പോര്ട്ട് ചെയ്തത്.
