ഒരിക്കലും നീ സിനിമയിൽ വരില്ലെന്ന് അച്ഛൻ അന്ന് പറഞ്ഞിരുന്നു
കൊച്ചി: വിദ്യാർത്‍ഥിയായിരുന്ന കാലത്ത് സിനിമാമോഹം പറഞ്ഞപ്പോഴൊക്കെ നിരുത്സാഹപ്പെടുത്തിയ ആളാണ് തന്റെ അച്ഛനെന്ന് ധ്യാൻ ശ്രീനിവാസൻ. ìനീ ഒരിക്കലും സിനിമയിൽ വരില്ലെന്നാണ് അച്ഛൻ എന്നോട് പറഞ്ഞത്. കാരണം ഞാൻ എഞ്ചിനീയറിംഗ് ഡ്രോപ്പൗട്ട് ആയിരുന്നു. എൻ‍ജിനീയറിംഗ് കോഴ്‌സ് പാസാവാത്ത ഞാൻ എങ്ങനെ സിനിമ പോലെ വിശാലമായ ഒരു മേഖലയിൽ അതിജീവിക്കും എന്നൊക്കെയാണ് അച്ഛൻ അന്ന് ചോദിച്ചത്.” ഒരു പ്രമുഖ ചാനലിന് നൽകിയ അഭിമുഖത്തിൽ ധ്യാൻ പറഞ്ഞു.
“എന്നാൽ അച്ഛൻ അന്ന് പറഞ്ഞ പല കാര്യങ്ങളും ശരിയായിരുന്നുവെന്ന് ലവ് ആക്ഷൻ ഡ്രാമയുടെ സംവിധായകനായപ്പോൾ മനസിലായെന്നും ധ്യാൻ കൂട്ടിച്ചേർത്തു. 'അച്ഛന്റെ സമീപനം ഒരർ‍ത്ഥത്തിൽ ഗുണമാണ് ഉണ്ടാക്കിയത്. അച്ഛൻ നിരുത്സാഹപ്പെടുത്തിയിട്ടും സിനിമ എന്ന ആഗ്രഹം വിടാതെ അവിടെത്തന്നെ കിടന്നു. പുള്ളി പണ്ട് പറഞ്ഞ ഒരുപാട് ബുദ്ധിമുട്ടുകൾ ലവ് ആക്ഷൻ ഡ്രാമ ചെയ്തപ്പോൾ ഞാൻ നേരിട്ടിട്ടുണ്ട്. ആ ബുദ്ധിമുട്ടുകളൊക്കെ അറിയുന്നതുകൊണ്ടാവണം ഞങ്ങൾ സിനിമയിലേക്ക് എത്തുന്നത് അച്ഛന് വലിയ താൽ‍പര്യമില്ലായിരുന്നത്. സിനിമ അത്ര എളുപ്പമുള്ള കാര്യമല്ലെന്നാണ് ഞങ്ങൾ രണ്ടുപേരോടും അച്ഛൻ പണ്ട് സംസാരിച്ചിട്ടുള്ളത്. ബിടെക്ക് ഡ്രോപ്പൗട്ട് ആയപ്പോൾ പെട്ടിയും കിടക്കയുമെടുത്ത് വിട്ടോളാനാണ് അച്ഛൻ പറഞ്ഞത്.” ധ്യാൻ പറഞ്ഞു.
