ബി.എം.ബി.എഫ് 'ഹെൽപ്പ് ആന്റ് ഡ്രിങ്ക്' വിതരണത്തോടൊപ്പം സ്വാതന്ത്ര്യദിനാഘോഷവും സംഘടിപ്പിച്ചു
പ്രദീപ് പുറവങ്കര
മനാമ: ബഹ്റൈൻ മലയാളി ബിസിനസ് ഫോറം (BMBF) വർഷങ്ങളായി നടത്തിവരുന്ന 'ഹെൽപ്പ് ആന്റ് ഡ്രിങ്ക്' സൗജന്യ ദാഹജല-പഴവർഗ്ഗ വിതരണ പദ്ധതിയുടെ ഭാഗമായി കൊടും ഉഷ്ണത്തിൽ ജോലി ചെയ്യുന്ന தொழிலാളികൾക്കിടയിൽ സ്വാതന്ത്ര്യദിനം ആഘോഷിച്ചു. ഓഗസ്റ്റ് 15 ശനിയാഴ്ച വിവിധ തൊഴിലാളി ക്യാമ്പുകളിൽ ഭക്ഷണപാനീയങ്ങളും പഴവർഗ്ഗങ്ങളും വിതരണം ചെയ്താണ് ആഘോഷങ്ങൾ സംഘടിപ്പിച്ചത്.
കടുത്ത വേനലിൽ നിർമ്മാണ മേഖലയിലടക്കം ജോലി ചെയ്യുന്ന തൊഴിലാളികൾക്ക് വലിയ ആശ്വാസമാകുന്ന ഈ പദ്ധതി ഇതിനോടകം 12-ാം സീസണിൽ എത്തിനിൽക്കുകയാണ്. സ്വാതന്ത്ര്യദിനത്തോട് അനുബന്ധിച്ച് നടന്ന പ്രത്യേക വിതരണത്തിന്റെ ഉദ്ഘാടനം ബി.എം.ബി.എഫ് ജനറൽ സെക്രട്ടറി ബഷീർ അമ്പലായി നിർവ്വഹിച്ചു.
കഴിഞ്ഞ 12 വർഷമായി തുടരുന്ന ഈ ജീവകാരുണ്യ പ്രവർത്തനം ബഹ്റൈനിലെ വിവിധ മന്ത്രാലയങ്ങൾ, ക്യാപിറ്റൽ ഗവർണറേറ്റ്, പാർലമെന്റ് അംഗങ്ങൾ, ലേബർ മന്ത്രാലയം എന്നിവരുടെയും സ്വദേശി-വിദേശി സമൂഹങ്ങളുടെയും വലിയ അംഗീകാരം പിടിച്ചുപറ്റിയിട്ടുണ്ട്. 2026-ലെ ഹെൽപ്പ് ആന്റ് ഡ്രിങ്ക് പദ്ധതി സെപ്റ്റംബർ അവസാനത്തോടെ പൂർത്തിയാകുമെന്ന് ഭാരവാഹികൾ അറിയിച്ചു.
dgdg
