'ചിതറിത്തെറിച്ചത് എന്റെ അഭിമാനമാണ്, തിരിച്ചു പിടിക്കും'; ഭാവന
അഞ്ച് വർഷത്തെ മൗനത്തിന് ശേഷം നേരിട്ട അതിക്രമത്തെക്കുറിച്ചും കടന്നു പോയ പ്രതിസന്ധികളെക്കുറിച്ചും തുറന്ന് പറഞ്ഞ് നടി ഭാവന.മാധ്യമ പ്രവർത്തക ബർഖ ദത്തുമായുള്ള അഭിമുഖത്തിലാണ് നടി ആദ്യമായി തുറന്നു പറച്ചിൽ നടത്തിയത്. ആക്രമണം നേരിട്ട ശേഷം തന്റെ ജീവിതം മാറി മറഞ്ഞത്, ഇരയെന്ന പേരിട്ട് മുഖ്യധാരയിൽ നിന്നും തന്റെ പേര് തന്നെ അപ്രത്യക്ഷമായത്, സിനിമാ മേഖലയിൽ നിന്നുണ്ടായ മോശം പ്രതികരണങ്ങളും പിന്തുണയും തുടങ്ങിയ വിഷയങ്ങൾ ഭാവന സംസാരിച്ചു. ജീവിതം മാറി മറിഞ്ഞുവെന്നും, നേരിട്ട അതിക്രമം ജീവിതത്തെ മാറ്റിമറിച്ചു. അച്ഛന് ജീവിച്ചിരുന്നു എങ്കില് എനിക്ക് സംഭവിക്കില്ലായിരുന്നു എന്നുള്പ്പെടെ ചിന്തിച്ച സമയമായിരുന്നു അത്. പലപ്പോഴും സ്വന്തമായി കുറ്റപ്പെടുത്തി. എന്റെ തെറ്റായിരുന്നു എനിക്ക് സംഭവിച്ചതിന് കാരണം എന്ന് പോലും തോന്നിയ കാലമായിരുന്നുവെന്നും 2017 ഫെബ്രുവരിയില് നടന്ന സംഭവത്തില് 2020 ല് വിചാരണ ആരംഭിച്ചു. കോടതിയില് പോയ 15 ദിവസങ്ങള് വളരെ ട്രോമാറ്റിക് ആയിരുന്നു.എനിക്ക് എന്റെ നിരപരാധിത്വം തെളിയിക്കണം. എന്റെ അഭിമാനം കഷ്ണങ്ങളായി ചിതറി. എനിക്കത് തിരിച്ചു വേണം. എന്റെ കുടുംബം. എന്റെ സുഹൃത്തുക്കള്, ഡബ്ല്യുസിസി തുടങ്ങി നിരവധി പേര് എനിക്കൊപ്പം നിന്നു. എനിക്കത് വാക്കുകളില് പറയാന് പറ്റില്ല. എനിക്ക് സംഭവിച്ചത് സംഭവിച്ചു. അതിലൂടെ കടന്നു പോയേ പറ്റൂ. പക്ഷെ എനിക്ക് പോരാടണം.ഇപ്പോഴും എനിക്ക് പേടിയുണ്ട്. നീതിക്ക് വേണ്ടി പോരാടുക എളുപ്പമല്ല. ചിലപ്പോള് ഞാന് വളരെ ദുഖിതയാണ്. ചിലപ്പോള് നിരാശയിലും ചിലപ്പോള് ദേഷ്യത്തിലും ആണെന്നും നടി പറഞ്ഞു.
അവസാനത്തെ ഹിയറിംഗ് കഴിഞ്ഞ് പുറത്തിറങ്ങിയപ്പോള് ഇരയല്ല അതിജീവിതയാണെന്ന് തിരിച്ചറിയുകയായിരുന്നുവെന്നും ഭാവന പറഞ്ഞു.
തീര്ച്ചയായും എനിക്ക് അവസരങ്ങള് നിഷേധിക്കപ്പെട്ടിട്ടുണ്ട്. എന്നാല് ആ സംഭവത്തിന് ശേഷവും ചിലര് എനിക്കാ അവസരങ്ങള് നല്കിയിരുന്നു. ഞാന് മലയാളത്തിലേക്ക് തിരിച്ചു വരണമെന്ന് ശഠിച്ചിട്ടുണ്ട്. ആഷിഖ് അബു, പൃഥ്വിരാജ്, ജിനു എബ്രഹാം, ഷാജി കൈലാസ്, ഭദ്രന് സാര് , ഷാജി കൈലാസ് സാര്, ജയസൂര്യ തുടങ്ങിയവര് എനിക്ക് അവസരങ്ങള് നല്കിയിരുന്നു. എന്നാല് വീണ്ടും അതേ ഇന്ഡസ്ട്രിയിലേക്ക് വരാനുള്ള ബുദ്ധിമുട്ട് മൂലം അഞ്ച് വര്ഷത്തോളം അത് എനിക്ക് നിരസിക്കേണ്ടി വന്നു. എന്റെ മനസമാധാനത്തിന് വേണ്ടി മാത്രം ആ ഇന്ഡസ്ട്രിയില് നിന്നും മാറി നിന്നു. എന്നാല് മറ്റ് ഇന്ഡസ്ട്രിയില് ഞാന് വര്ക്ക് ചെയ്തു. ഇപ്പോള് ഞാന് ചില മലയാളം സിനിമയുടെ കഥകള് കേള്ക്കുന്നുണ്ടെന്നും അവർ വ്യക്തമാക്കി..
