ചികിത്സാ പിഴവ് മൂലം കുഞ്ഞ് മരിച്ചതായി പരാതി
പാറശ്ശാല : പാറശ്ശാലയിലെ ഒരു സ്വകാര്യ ആശുപത്രിയിൽ ചികിത്സാ പിഴവ് മൂലം 5 വയസ്സുള്ള കുഞ്ഞ് മരിച്ചതായി പരാതി. മണലിക്കര സ്വദേശികളായ ജഹാംഗീർ ഷമീല ദമ്പതികളുടെ മകൻ ജാഫറുദ്ദീൻ ആണ് മരിച്ചത്. ഇന്നലെ വൈകീട്ടാണ് പനി ബാധിച്ച കുട്ടിയെ ആശുപത്രിയിൽ പ്രവേശിച്ചത്.
കുട്ടിയുടെ മരണം ആശുപത്രി അധികൃതരുടെ ചികിത്സാപിഴവ് മൂലമാണെന്ന് ആരോപിച്ച് ആശുപത്രിക്കെതിരെ കുട്ടിയുടെ ബന്ധുക്കൾ പാറശ്ശാല പോലീസിൽ പരാതി നൽകി. നാട്ടുകാരും ബന്ധുക്കളും ആശുപത്രിക്ക് മുന്നിൽ പ്രതിഷേധിച്ചു. മൃതദേഹം പോസ്റ്റ് മോർട്ടത്തിനായി തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. ആശുപത്രിക്കെതിരെ കുട്ടിയുടെ ബന്ധുക്കൾ പാറശ്ശാല പോലീസിൽ പരാതി നൽകി.
