സ്വാശ്രയ പ്രശ്നം: എബിവിപി മാർച്ചിൽ സംഘർഷം
തിരുവനന്തപുരം: സ്വാശ്രയ പ്രശ്നത്തിൽ പ്രതിഷേധിച്ച് എബിവിപി പ്രവർത്തകർ സെക്രട്ടറിയേറ്റിലേക്ക് നടത്തിയ മാർച്ചിൽ സംഘർഷം. സെക്രട്ടറിയേറ്റിന്റെ സമര കവാടത്തിന് മുന്നിൽ പോലീസ് ബാരിക്കേഡ് മറികടക്കാൻ ശ്രമിച്ച പ്രവർത്തകർക്ക് നേരെ പോലീസ് ആദ്യം ജലപീരങ്കി പ്രയോഗിച്ചു. പിരിഞ്ഞുപോകാൻ തയാറാകാതിരുന്ന പ്രവർത്തകരെ പിന്നീട് ലാത്തിവീശി ഓടിച്ചു. ലാത്തിയടിയിൽ ചില പ്രവർത്തകർക്ക് പരിക്കേറ്റു. പോലീസ് പ്രവർത്തകരെ അറസ്റ്റ് ചെയ്തു നീക്കി.
