കാന്സര് രോഗികള്ക്ക് കെഎസ്ആര്ടിസി സൗജന്യ യാത്ര; പ്രഖ്യാപിച്ച് ഗതാഗത മന്ത്രി
ഷീബ വിജയൻ
തിരുവനന്തപുരം I കാന്സര് രോഗികള്ക്ക് കെഎസ്ആര്ടിസി ബസ് യാത്ര സൗജന്യമെന്ന് ഗതാഗത മന്ത്രി കെ ബി ഗണേഷ് കുമാര്. നിയമസഭയിലാണ് മന്ത്രി ഈ പ്രഖ്യാപനം നടത്തിയത്. സംസ്ഥാനത്തെ ഏത് ആശുപത്രിയില് ചികിത്സതേടുന്ന കാന്സര് രോഗികള്ക്കും ആനുകൂല്യം ലഭിക്കും. സൂപ്പര് ഫാസ്റ്റ് മുതല് താഴോട്ടുള്ള എല്ലാ ബസുകളിലും ഈ സൗകര്യം ലഭിക്കുമെന്നും മന്ത്രി അറിയിച്ചു.
റേഡിയേഷന്, കീമോ ചികിത്സയ്ക്കായി ആര്സിസി, മലബാര് കാന്സര് സെന്റര്, കൊച്ചി കാന്സര് സെന്റര്, സ്വകാര്യ ആശുപത്രികള് തുടങ്ങിയ ഇടങ്ങളിലേക്ക് യാത്ര ചെയ്യുന്നവർക്ക് സൗകര്യം ലഭിക്കും. യാത്ര തുടങ്ങുന്ന ഇടം മുതല് ആശുപത്രിവരെ ആനുകൂല്യത്തിന് അർഹതയുണ്ട്. ചികിത്സിക്കുന്ന ഡോക്ടര് സര്ട്ടിഫൈ ചെയ്താല് ഇതിനുള്ള പാസ് അനുവദിക്കും.
ASDSAASAS
