ചന്ദ്രമുഖി 2; അഡ്വാൻസ് കിട്ടിയ മൂന്നു കോടിയും കൊറോണ ഫണ്ടിലേക്ക് നൽകി രാഘവ ലോറൻസ്
ചന്ദ്രമുഖി 2 വിൽ അഭിനയിക്കുന്നതിന് അഡ്വാൻസ് ആയി ലഭിച്ച മൂന്ന് കോടി രൂപ കൊറോണ പ്രതിരോധ പ്രവർത്തനങ്ങൾക്കായുള്ള ഫണ്ടിലേക്കാണ് നൽകി രാഘവ ലോറൻസ്.
അമ്പതു ലക്ഷം രൂപ പ്രധാന മന്ത്രിയുടെ ഫണ്ടിലേക്ക് നൽകിയ രാഘവ ലോറൻസ് അമ്പതു ലക്ഷം രൂപ തമിഴ്നാട് മുഖ്യമന്ത്രിയുടെ ഫണ്ടിലേക്കും നൽകി. തമിഴ് സിനിമയിലെ ദിവസ വേതനക്കാർക്കു നൽകാനുള്ള ഫെഫ്സിയുടെ ഫണ്ടിലേക്ക് അമ്പതു ലക്ഷം നൽകിയപ്പോൾ ഡാൻസർ യൂണിയനും അദ്ദേഹം അമ്പതു ലക്ഷം തന്നെ നൽകി.
ഇപ്പോൾ ഹിന്ദിയിൽ അക്ഷയ് കുമാർ നായകനായ ലക്ഷ്മി ബോംബ് എന്ന ചിത്രമൊരുക്കുകയാണ് രാഘവ ലോറൻസ്.
