ഐസിആർഎഫ് തേർസ്റ്റ് ഖൊഞ്ചേഴ്സ് 2021ന്റെ ഭാഗമായി ഭക്ഷ്യസാധനങ്ങൾ വിതരണം ചെയ്തു
മനാമ; ഇന്ത്യൻ കമ്മ്യൂണിറ്റി റിലീഫ് ഫണ്ടിന്റെ വാർഷിക വേനൽക്കാല പ്രത്യേക പരിപാടിയായ ഐ.സി.ആർ.എഫ്. തേർസ്റ്റ് ഖൊഞ്ചേഴ്സ് 2021ന്റെ ഭാഗമായി ജനുസാനിൽ ഉള്ള കെട്ടിട നിർമ്മാണ സൈറ്റിലെ തൊഴിലാളികൾക്ക് ബൊഹ്‌റ കമ്മ്യൂണിറ്റിയുടെ സഹായത്തോടെ വെള്ളവും, പഴങ്ങളും വിതരണം ചെയ്തു. ഇവിടെയുള്ള ഇരുനൂറ്റി അറുപതിൽ പരം തൊഴിലാളികൾക് കോവിഡ് -19 സമയത്ത് സുരക്ഷിതമായി തുടരാൻ സ്വീകരിക്കേണ്ട നടപടികളെക്കുറിച്ച് വിശദീകരിക്കുന്ന ഫ്ലൈയറുകൾക്കൊപ്പം ഫെയ്സ് മാസ്കുകളും ആൻറി ബാക്ടീരിയൽ സോപ്പുകളും ഐസിആർഎഫ് വോളന്റിയർമാർ വർക്ക് സൈറ്റിൽ വിതരണം ചെയ്തു. കോവിഡ് പ്രോട്ടോകോൾ പാലിച്ചു സംഘടിപ്പിച്ച പരിപാടിയിൽ ഐ.സി.ആർ.എഫ് ചെയർമാൻ അരുൾദാസ് തോമസ് , ജനറൽ സെക്രട്ടറി പങ്കജ് നല്ലൂർ , ഐ.സി.ആർ.എഫ് തേർസ്റ്റ് ഖൊഞ്ചേഴ്സ് കൺവീനർ സുധീർ തിരുനിലത്ത് കൂടാതെ ഐ.സി.ആർ.എഫ്. വളന്റീർസ് മുരളീകൃഷ്ണൻ , പവിത്രൻ നീലേശ്വരം, നിഷ രംഗരാജ്, രമൻ പ്രീത് എന്നിവർ പങ്കെടുത്തു.
