നവംബർ എട്ട് കള്ളപ്പണവിരുദ്ധ ദിനമായി ആചരിക്കും : കേന്ദ്രസർക്കാർ
ന്യൂഡൽഹി : പ്രധാനമന്ത്രി നരേന്ദ്ര മോഡി നോട്ട് നിരോധനം പ്രഖ്യാപിച്ച നവംബർ എട്ട് കള്ളപ്പണ വിരുദ്ധ ദിവസമായി ആചരിക്കുമെന്ന് കേന്ദ്രധനമന്ത്രി അരുൺ ജെയ്റ്റിലി. പ്രതിപക്ഷ പാർട്ടികൾ നവംബർ എട്ട് കരിദിനമായി ആചരിക്കുമെന്ന് പ്രഖ്യാപിച്ചതിന് പിന്നാലെയാണ് കേന്ദ്രം നയം വ്യക്തമാക്കിയത്. കോൺഗ്രസ്, മംമ്തയുടെ തൃണമൂൽ കോൺഗ്രസ്, ഇടത് പാർട്ടികൾ തുടങ്ങി പ്രതിപക്ഷപാർട്ടികളെല്ലാം ചേർന്നാണ് കരിദിനം ആചരിക്കുന്നത്.
കോൺഗ്രസ്സിന് നോട്ട് നിരോധനത്തിന്‍റെ ആശയം ഇനിയും മനസ്സിലായിട്ടില്ലെന്ന് പറഞ്ഞ ജെയ്റ്റിലി നേരത്തെ കള്ളപ്പണം വെളുപ്പിക്കലിന് സാധിച്ചിരുന്നെങ്കിൽ ഇപ്പോഴത് സാധ്യമല്ലാതായിരിക്കുന്നുവെന്നും ഇപ്പോൾ നിക്ഷേപിക്കപ്പെടുന്ന പണമെല്ലാം നിയമപരമായാണ്. അതിനാൽ തന്നെ നികുതിയും നൽകേണ്ടിവരും വരുമെന്നും വ്യക്തമാക്കി.
