നരബലി : ചത്തീസ്ഗഢില്‍ 15കാരനെ തലയറുത്തു കൊന്നു
റായ് പൂർ : ഛത്തീസ്ഗഢിലെ റായ്ഗഡ് ജില്ലയില്‍ 15കാരനെ തലയറുത്ത കൊലപ്പെടുത്തിയ രീതിയില്‍ കണ്ടെത്തി. ഇഗോര്‍ഖ ഗ്രാമത്തിലാണ് സംഭവം. സമീപസ്ഥലത്ത് പൂജ നടന്നതായുള്ള ലക്ഷണങ്ങൾ കണ്ടതോടെ നരബലിയാണെന്ന സംശയം ഉയര്‍ന്നിട്ടുണ്ട്. കൃത്യം നടന്ന സ്ഥലത്ത് നിന്ന് ചന്ദനത്തിരികളും മണ്‍വിളക്കുകളും അടക്കമുള്ള പൂജാ ശേഷിപ്പുകളും മൂര്‍ച്ചയുള്ള ഒരു ആയുധവും കണ്ടെത്തിയതായി റായ്ഗഡ് അഡീഷണല്‍ എസ്പി യുബിഎസ് ചൗഹാന്‍ പറഞ്ഞു. കുട്ടിയുടെ ശിരസറ്റ ശരീരഭാഗം കണ്ടെത്തിയതിനെ തുടര്‍ന്ന് നടത്തിയ തിരച്ചിലില്‍ കുറച്ച് അകലെ നിന്ന് തലഭാഗം കണ്ടെത്തുകയായിരുന്നു. ചത്തീസ്ഗഢില്‍ അഞ്ച് വര്‍ഷത്തിനുള്ളില്‍ ഇത്തരത്തിലുള്ള കൊലപാതകം ഇത് ആറാം തവണയാണ്. സംഭവത്തെക്കുറിച്ച് പൊലീസ് അന്വേഷണം ആരംഭിച്ചു.
