മുഹറഖ് നൈറ്റ്സ് ഫെസ്റ്റിവലിന്റെ നാലാം പതിപ്പിന് നാളെ തുടക്കമാകും
പ്രദീപ് പുറവങ്കര / മനാമ:
ബഹ്റൈൻ അതോറിറ്റി ഫോർ കൾച്ചർ ആന്റ് ആന്റിക്വിറ്റീസ് (BACA) സംഘടിപ്പിക്കുന്ന പ്രശസ്തമായ മുഹറഖ് നൈറ്റ്സ് ഫെസ്റ്റിവലിന്റെ നാലാമത് പതിപ്പിന് നാളെ വൈകുന്നേരം തുടക്കമാകും. ചരിത്രപ്രസിദ്ധമായ മുഹറഖ് നഗരത്തിലെ മുത്തുവാരൽ പാരമ്പര്യത്തിലെ വൈവിധ്യമാർന്ന സാംസ്കാരിക, കലാ പരിപാടികളുമായി ഈ മേള ഡിസംബർ 30 വരെ നീണ്ടുനിൽക്കും. രാജ്യത്തിന്റെ ദേശീയ ദിനാഘോഷങ്ങളോട് അനുബന്ധിച്ചാണ് ഫെസ്റ്റിവൽ നടക്കുന്നത്. ഇതിൽ ബഹ്റൈനിൽനിന്നും വിദേശത്തുനിന്നുമുള്ള നിരവധി സന്ദർശകർ എത്തുമെന്ന് പ്രതീക്ഷിക്കുന്നു.
ഷെയ്ഖ് ഇബ്രാഹിം ബിൻ മുഹമ്മദ് അൽ ഖലീഫ സെന്റർ ഫോർ കൾച്ചർ ആൻഡ് റിസർച്ച്, അൽ റിവാഖ് ആർട്ട് സ്പേസ് എന്നിവയ്ക്ക് പുറമേ പൊതു-സ്വകാര്യ മേഖലകളിലെ നിരവധി സ്ഥാപനങ്ങൾ, കലാ സ്ഥാപനങ്ങൾ, സംരംഭകർ എന്നിവരുടെ പങ്കാളിത്തത്തോടെയാണ് ഈ ഫെസ്റ്റിവൽ സംഘടിപ്പിക്കുന്നത്. കല, ഡിസൈൻ, കരകൗശല വസ്തുക്കൾ, കുട്ടികളുടെ പ്രവർത്തനങ്ങൾ, ഭക്ഷണാനുഭവങ്ങൾ, സംഗീതം, പ്രകടനങ്ങൾ, ഗൈഡഡ് ടൂറുകൾ എന്നിവ ഉൾക്കൊള്ളുന്ന വൈവിധ്യമാർന്ന പരിപാടികൾ ഫെസ്റ്റിവലിലുണ്ടാകും. സന്ദർശന സമയം ഞായറാഴ്ച മുതൽ ബുധനാഴ്ച വരെ വൈകുന്നേരം 5 മുതൽ രാത്രി 10 വരെയും, വ്യാഴാഴ്ച മുതൽ ശനിയാഴ്ച വരെ വൈകുന്നേരം 5 മുതൽ അർദ്ധരാത്രി വരെയും ആയിരിക്കും.
saasasas
