കുവൈറ്റിൽ തെരെഞ്ഞെടുപ്പ് നവംബർ 26ന്
കുവൈറ്റ് സിറ്റി : കഴിഞ്ഞ ദിവസം കുവൈറ്റിൽ പാർലമെന്റ് പിരിച്ചുവിട്ടതിനെ തുടർന്ന് നവംബർ 26ന് തെരെഞ്ഞെടുപ്പ് നടത്തതാൻ ക്യാബിനറ്റ് തീരുമാനിച്ചു. മന്ത്രിമാർക്കെതിരെ മാസങ്ങളായി തുടർന്ന ആരോപണങ്ങൾ മൂലം പ്രക്ഷുബ്ധമായിരുന്നതിനാൽ പാർലമെന്റ് പിരിച്ച് വിടാൻ അമീർ ഷെയ്ഖ് സബാഹ് അൽ അഹമ്മദ് അൽ ജാബിർ അൽ സബാഹ് ഉത്തരവിടുകയായിരുന്നു. ഇത് ഒമ്പതാം തവണയാണ് പലകാരണങ്ങളാൽ പാർലമെന്റ് പിരിച്ചു വിടുന്നത്. ഇതുവരെ ആറ് പാർലമെന്റുകൾ മാത്രമാണ് അവയുടെ കാലാവധി പൂർത്തിയാക്കിയിട്ടുള്ളത്.
