അടിയന്തര പ്രമേയം: പ്രതിപക്ഷം നിയമസഭയില് നിന്നിറങ്ങിപ്പോയി
തിരുവനന്തപുരം: അടിയന്തര പ്രമേയത്തിന് അനുമതി നിഷേധിച്ചതില് പ്രതിഷേധിച്ച് പ്രതിപക്ഷം സഭയില് നിന്നിറങ്ങിപ്പോയി. കെ.എം മാണി നല്കിയ അടിയന്തര പ്രമേയത്തിന് അനുമതി നിഷേധിച്ചതില് പ്രതിഷേധിച്ചാണ് പ്രതിപക്ഷം നിയമസഭ ബഹിഷ്കരിച്ചത്. റബ്ബര് കര്ഷകര് നേരിടുന്ന പ്രതിസന്ധിയും കസ്തൂരി രംഗന് വിഷയവും നിയമസഭ നിര്ത്തിവച്ച് ചര്ച്ച ചെയ്യണമെന്ന് മാണി ആവശ്യപ്പെട്ടിരുന്നു.
കഴിഞ്ഞ ദിവസവും അടിയന്തരപ്രമേയത്തിന് അനുമതി നിഷേധിച്ചതില് പ്രതിഷേധിച്ച് പ്രതിപക്ഷം സഭയില് നിന്ന് ഇറങ്ങിപ്പോയിരുന്നു. ബന്ധുനിയമനവുമായി ബന്ധപ്പെട്ട് വി.ഡി സതീശനാണ് അടിയന്തരപ്രമേയത്തിന് അനുമതി തേടിയത്. ബന്ധുനിയമനത്തില് മുഖ്യമന്ത്രിയുടെ പങ്കും അന്വേഷിക്കണമെന്നാവശ്യപ്പെട്ടാണ് അടിയന്തരപ്രമേയം.
