ദേശീയ സ്കൂൾ കായികമേളയുടെ മുഴുവൻ ചെലവും സംസ്ഥാനം വഹിക്കുമെന്ന് ചീഫ് സെക്രട്ടറി ജിജി തോംസൺ
കൊച്ചി: സംസ്ഥാനം ദേശീയ സ്കൂൾ കായികമേളയുടെ മുഴുവൻ ചെലവും വഹിക്കുമെന്ന് ചീഫ് സെക്രട്ടറി ജിജി തോംസൺ. മേളയ്ക്ക് സാമ്പത്തിക സഹായം നൽകാമെന്ന വാഗ്ദാനത്തിൽ നിന്ന് കേന്ദ്രസർക്കാർ പിൻമാറിയെന്നും അദ്ദേഹം വ്യക്തമാക്കി.
അതുകൊണ്ടുതന്നെ കേന്ദ്രസർക്കാർ നൽകിയ 20 ലക്ഷം രൂപയുടെ ചെക്ക് തിരിച്ചു നൽകുമെന്നും ജിജി തോംസൺ കൂട്ടിച്ചേർത്തു. മേളയ്ക്കായി കുറച്ച് പണം സ്പോൺസർഷിപ്പിലൂടെ ശേഖരിക്കാൻ കഴിയുമെന്നും അദ്ദേഹം പറഞ്ഞു. ജനുവരി 25 മുതൽ 30 വരെ കോഴിക്കോട് വെച്ചാണ് ദേശീയ കായികമേള നടക്കുന്നത്.
