ഇന്ത്യൻ സോഷ്യൽ ഫോറം നടത്തുന്ന ചിത്ര രചന മത്സരത്തിന് തുടക്കമായി
മനാമ; എഴുപത്തി അഞ്ചാമത് ഇന്ത്യൻ സ്വതന്ത്രദിന ആഘോഷങ്ങളുടെ ഭാഗമായി ഇന്ത്യൻ എംബസിയുടെ രക്ഷകർത്തൃത്വത്തിൽ ഇന്ത്യൻ സോഷ്യൽ ഫോറം നടത്തുന്ന ചിത്ര രചന മത്സരത്തിന് തുടക്കമായി. ഇന്ത്യൻ സോഷ്യൽ ഫോറം സെൻട്രൽ കമ്മറ്റി പ്രസിഡണ്ട് ജവാദ് പാഷയുടെ അധ്യക്ഷതയിൽ നടന്ന വെബിനാറിൽ എംബസി തേർഡ് സെക്രട്ടറി ഇഹ്‌ജാസ് അസ്ലം പരിപാടിയുടെ പോസ്റ്റർ പ്രകാശനം ചെയ്തു മത്സരത്തിന്റെ ഉദ്ഘാടനം നിർവഹിച്ചു. ഇന്ത്യൻ ക്ലബ്‌ പ്രസിഡന്റ്‌ സ്റ്റാലിൻ, ഐസിആർഎഫ് ചെയർമാൻ അരുൾദാസ് തോമസ് എന്നിവർ മത്സരത്തിന് ആശംസകൾ നേർന്നു. ഇന്ത്യൻ സോഷ്യൽ ഫോറം ജനറൽ സെക്രട്ടറി യുസുഫ് അലി സ്വാഗതവും വൈസ് പ്രസിഡന്റ്‌ റഷീദ് സെയ്ദ് നന്ദിയും പറഞ്ഞു. 4 വയസ്സ് മുതൽ 18 വയസ്സ് വരെ സബ് ജൂനിയർ, ജൂനിയർ, സീനിയർ എന്നീ മൂന്ന് തലങ്ങളിൽ നടക്കുന്ന മത്സരത്തിൽ ചിത്രങ്ങൾ ഇ മെയിൽ ചെയ്യാൻ ഉള്ള അവസാന തീയതി ഓഗസ്റ്റ് 10 ആണ്. മത്സര വിജയികളെ ഓഗസ്റ്റ് 18ന് പ്രഖ്യാപിക്കും. കൂടുതൽ വിവരങ്ങൾക്ക് 33202833 അല്ലെങ്കിൽ 36185650 എന്നീ നമ്പറുകളിലാണ് ബന്ധപ്പെടേണ്ടത്.
