ഖത്തറിൽ ഇലക്ട്രിക് സ്‌കൂട്ടറുകളിലെ സവാരിക്കിടെ മൊബൈൽ ഫോൺ ഉപയോഗിക്കരുതെന്ന് നിർദേശം
ഇലക്ട്രിക് സ്‌കൂട്ടറുകളിലെ സവാരിക്കിടെ മൊബൈൽ ഫോൺ ഉപയോഗിക്കരുതെന്ന് നിർദേശം. ഇ−സ്‌കൂട്ടർ ഓടിക്കുന്നവർക്ക് പുതിയ സുരക്ഷാ മാർഗനിർദേശങ്ങൾ പ്രഖ്യാപിച്ച് ഗതാഗത മന്ത്രാലയം. രാജ്യത്ത് ഇലക്ട്രിക് സ്‌കൂട്ടറുകൾ ഉപയോഗിക്കുന്നവരുടെ എണ്ണം വർധിച്ച സാഹചര്യത്തിലാണ് അപകടങ്ങളിൽ പെടാതിരിക്കാൻ സുരക്ഷാ നിർദേശങ്ങൾ നൽകിയത്. ഇ−സ്‌കൂട്ടർ ഓടിക്കുന്നവർ വ്യവസ്ഥകളും നിർദേശങ്ങളും പാലിക്കണം.
സ്‌കൂട്ടർ ഓടിക്കുമ്പോൾ മൊബൈൽ ഫോൺ ഉപയോഗിക്കരുത്.
ഒറ്റയ്ക്ക് മാത്രമേ സ്‌കൂട്ടർ ഓടിക്കാവൂ. യാത്രയിൽ മറ്റാരും ഒപ്പം പാടില്ല.
സ്‌കൂട്ടർ ഓടിക്കുന്നതിനിടെ വെള്ളം കുടിക്കുകയോ ഭക്ഷണം കഴിക്കുകയോ ചെയ്യരുത്.
മറ്റ് റോഡ് ഉപയോക്താക്കളുമായി നിശ്ചിത അകലം പാലിക്കണം.
ഭാരമേറിയ സാധനങ്ങളുമായി സ്‌കൂട്ടർ ഓടിക്കരുത്.
വളവുകൾ തിരിയുമ്പോൾ പിറകെ വരുന്ന വാഹനങ്ങൾക്ക് കൈകൊണ്ട് സിഗ്‌നൽ നൽകണം.
ഇ−സ്‌കൂട്ടറുകൾക്ക് അനുവദിച്ചിരിക്കുന്ന പാതകളിലൂടെ മാത്രമേ സഞ്ചരിക്കാവൂ.
സേഫ്റ്റി ഗിയർ, സംരക്ഷണ ഉപകരണങ്ങൾ എന്നിവ ധരിച്ചു മാത്രമേ സ്‌കൂട്ടർ ഓടിക്കാവൂ.
യാത്രയ്ക്ക് മുൻപ് സ്‌കൂട്ടറിന്റെ ബ്രേക്ക് പരിശോധിക്കണം. ഗതാഗത സിഗ്‌നലുകൾ പാലിച്ചു വേണം സവാരി നടത്താൻ.
srgdrsg
