വീട്ടുമുറ്റത്ത് കളിക്കുന്നതിനിടെ എൽ.കെ.ജി വിദ്യാർത്ഥിനി കിണറ്റിൽ വീണ് മരിച്ചു
കോഴിക്കോട്: ഫറോക്കിൽ എൽ.കെ.ജി വിദ്യാർത്ഥിനി കിണറ്റിൽ വീണു മരിച്ചു. നല്ലളം കുന്നുമ്മൽ കിഴ് വനപറന്പിൽ താമസിക്കുന്ന ചെറിയ പുത്തലത്ത് സി.പി അഫ്സൽ −നബീല ദന്പതികളുടെ മകൾ ഫാത്തിമ ഫഹ്മ (5) ആണ് മരിച്ചത്. റഹിമാൻ ബസാർ അൽ ഫത്താഹ് ഖുർആൻ സ്കൂളിലെ എൽ.കെ.ജി വിദ്യാർത്ഥിനിയാണ്.
വീടിന് സമീപം കളിക്കുന്നതിനിടയിൽ കിണറ്റിൽ അബദ്ധത്തിൽ വീഴുകയായിരുന്നു. മീഞ്ചന്തയിൽ നിന്നെത്തിയ ഫയർഫോഴ്സ് സംഘം കുട്ടിയെ പുറത്തെടുത്ത് ആശുപത്രിയിലെത്തിച്ചെങ്കിലും രക്ഷപ്പെടുത്താനായില്ല.
