മീൻ കട്ലറ്റ്
ചേരുവകൾ
1. മീൻ : അരക്കിലോ
2. പച്ചമുളക് : 8 എണ്ണം
3. സവാള : 4 എണ്ണം
4. ഇഞ്ചി : 4 കഷ്ണം
5. റൊട്ടിപ്പൊടി : അര കപ്പ്
6. മുട്ട : 2 എണ്ണം
7. റൊട്ടി : 4 കഷ്ണം
8. എണ്ണ : ആവശ്യത്തിന്
പാകം ചെയ്യേണ്ട വിധം
മീൻ വൃത്തിയാക്കി വേവിച്ച് മുള്ളും തൊലിയും മാറ്റി നുറുക്കിവെക്കുക. സവാള, ഇഞ്ചി, പച്ചമുളക് എന്നിവ പൊടിയായി അരിയണം. എണ്ണ ചൂടാകുന്പോൾ മുറിച്ച ചേരുവകൾ ഇട്ട് നന്നായി ഇളക്കണം. എന്നിട്ട് ഇറക്കി മീൻ ചേർ‍ത്ത് യോജിപ്പിച്ചു വെക്കണം. റൊട്ടിക്കഷണം (വെള്ളത്തിൽ മുക്കിപിഴിഞ്ഞെടുത്തത്) മീനിൽ ചേർ‍ത്ത് യോജിപ്പിച്ചശേഷം ചെറുതായി ഉരുട്ടി കട്ലറ്റ് ആകൃതിയിൽ പരത്തി വെക്കണം. മുട്ട ചെറുതായി അടിച്ചശേഷം ഉരുട്ടിയ കട്ലറ്റ് ഇതിൽ മുക്കിയെടുത്ത് റൊട്ടിപ്പൊടികൊണ്ട് ഒരുപോലെ പൊതിയണം. ചൂടായ എണ്ണയിലിട്ട് പൊരിച്ച് കോരിയെടുക്കുക.
