ഇന്ത്യയിൽ കൊവിഡ് ബാധിതരുടെ എണ്ണം 14,000 കടന്നു: 486 മരണം
ന്യൂഡൽഹി: ഇന്ത്യയിലെ കൊവിഡ് ബാധിതരുടെ എണ്ണം 14,000 കടന്നു. 14,378 പേർക്കാണ് രോഗം ഇതുവരെ സ്ഥിരീകരിച്ചത്. 486 പേർ മരിച്ചു. 11,906 പേരാണ് ചികിത്സയിലുള്ളത്. 1,991 പേർക്ക് രോഗം ഭേദമായി. മഹാരാഷ്ട്രയിലാണ് രോഗ ബാധിതരുടെ എണ്ണം ക്രമാതീതമായി ഉയരുന്നത്. 3,320 കേസുകളാണ് മഹാരാഷ്ട്രയിൽ മാത്രം റിപ്പോർ‍ട്ട് ചെയ്തിരിക്കുന്നത്. ഇതിൽ 2,003 രോഗികൾ മുംബൈയിലാണ്. ഇവിടെ 201 പേരാണ് കൊവിഡ് ബാധിച്ച് മരിച്ചത്. അതേസമയം, ലോകത്തെ കൊവിഡ് മരണം ഒന്നരലക്ഷം കടന്നു. 22 ലക്ഷം രോഗബാധിതരാണ് ലോകവ്യാകമായി ഉള്ളത്. കോവിഡ് ബാധിച്ച് അമേരിക്കയിൽ വെള്ളിയാഴ്ച 2,516 പേർ കൂടി മരിച്ചു. ബ്രിട്ടനിൽ കൊവിഡ് ബാധിച്ച് വെള്ളിയാഴ്ച മാത്രം മരിച്ചത് 847 പേരാണ്.
