തെരഞ്ഞെടുപ്പിന് പിന്നാലെ പാചകവാതകത്തിനും വില കൂടി; ഒറ്റയടിക്ക് കൂടിയത് 146 രൂപ 50 പൈസ
ന്യൂഡല്‍ഹി: ഡല്‍ഹി നിയമസഭാ തെരഞ്ഞെടുപ്പിന് തൊട്ടു പിന്നാലെ പാചകവാതകത്തിനും വില കൂടി. ഗാര്‍ഹിക സിലിണ്ടറുകളുടെ വിലയില്‍ ഒറ്റയടിക്ക് 146 രൂപ 50 പൈസ കൂട്ടി. ഇതോടെ സിലിണ്ടറുകളുടെ പുതിയവില 850രൂപ 50 പൈസയാണ് പുതിയ വില. ഡല്‍ഹി തിരഞ്ഞെടുപ്പിന് പിന്നാലെയാണ് വില കൂട്ടിയത്. വാണിജ്യാവശ്യത്തിനുള്ള സിലിണ്ടറുകളുടെ വില കഴിഞ്ഞ ആഴ്ച കൂട്ടിയിരുന്നു. എല്ലാ മാസവും ഒന്നാം തീയതി പാചകവാതക വില എണ്ണക്കമ്പനികള്‍ കൂട്ടാറുണ്ട്. എന്നാല്‍ ഈ മാസം വില കൂട്ടിയിരുന്നില്ല. അതേസമയം സബ്സീഡിയുള്ളവര്‍ക്ക് കൂട്ടിയ വില ബാങ്കുകളില്‍ എത്തുമെന്നും എണ്ണക്കമ്പനികള്‍ പറഞ്ഞു.
