വിരാട് കൊഹ്‌ലിയെക്കാളും മികച്ച താരം താനാണെന്ന് ഖുറം മന്‍സൂര്‍
ലോകത്തിലെ ഏറ്റവും മികച്ച താരം താനാണെന്ന് പാക് ക്രിക്കറ്റ് താരം ഖുറം മന്‍സൂര്‍. വിരാട് കൊഹ്‌ലി പോലും തനിക്ക് പിന്നിലാണെന്നും ഒരു യൂട്യൂബ് ചാനലിനു നല്‍കിയ അഭിമുഖത്തില്‍ ഖുറം പറഞ്ഞു. ‘ഞാന്‍ വിരാട് കൊഹ്‌ലിയുമായി സ്വയം താരതമ്യം ചെയ്യുകയല്ല. സത്യമെന്തെന്നാല്‍, 50 ഓവര്‍ ക്രിക്കറ്റില്‍ ഞാനാണ് ലോകത്തിലെ ഏറ്റവും മികച്ച താരം. എനിക്ക് ശേഷമാണ് കൊഹ്‌ലി. ലിസ്റ്റ് എ ക്രിക്കറ്റില്‍ എന്റെ കണക്കുകള്‍ കൊഹ്‌ലിയെക്കാള്‍ മികച്ചതാണ്. കൊഹ്‌ലി ഓരോ ആറ് ഇന്നിംഗ്‌സിലും ഒരു സെഞ്ചുറി നേടുന്നു. ഞാന്‍ ഓരോ 5.68 ഇന്നിംഗ്‌സിലും ഒരു സെഞ്ചുറി നേടുന്നു. എന്റെ ശരാശരിയായ 53 പരിഗണിക്കുമ്പോള്‍ കഴിഞ്ഞ 10 വര്‍ഷമായി ലിസ്റ്റ് എ ക്രിക്കറ്റിലെ ലോക താരങ്ങളില്‍ ഞാന്‍ അഞ്ചാമതാണ്’, ഖുറം പറഞ്ഞു.
2008ലാണ് ഖുറം മന്‍സൂര്‍ ദേശീയ ടീമിനായി ആദ്യമായി കളിക്കുന്നത്. പാകിസ്ഥാന് വേണ്ടി പതിനാറ് ടെസ്റ്റുകളിലും ഏഴ് ഏകദിനങ്ങളിലും മൂന്ന് ടി-20കളിലും താരം കളിച്ചു. 2016ന് ശേഷം ഖുറം മന്‍സൂര്‍ ദേശീയ ടീമിനായി കളിച്ചിട്ടില്ല.
fdgfdhgg
