കോവിഡ് ബാധിച്ച് ബഹ്റൈനിൽ മൂന്ന് പേർ കൂടി മരണപ്പെട്ടു
കോവിഡ് ബാധിച്ച് ബഹ്റൈനിൽ ഇന്നലെ മൂന്ന് പേർ കൂടി മരണപ്പെട്ടു. ഇതോടെ ആകെ കോവിഡ് മരണം 1407 ആയി ഉയർന്നു. ഇന്നലെ 6745 പേരിലാണ് രോഗം സ്ഥിരീകരിച്ചത്. ഇതോടെ ആകെ രോഗികളുടെ എണ്ണം 42613 ആയി ഉയർന്നു. ഇന്നലെ 31036 പേരിലാണ് കോവിഡ് രോഗ പരിശോധനകൾ നടത്തിയത്. നിലവിൽ 106 പേരാണ് ആശുപത്രിയിൽ കഴിയുന്നത്. ഇതിൽ 12 പേരുടെ നില ഗുരുതരമാണ്.അതേസമയം ഇന്നലെ 3801 പേർക്ക് കൂടി രോഗമുക്തി ലഭിച്ചതോടെ ആകെ രോഗമുക്തി നേടിയവരുടെ എണ്ണം 3,24,747 ആയി. ഇതുവരെയായി 12,23,635 പേർ ഒരു ഡോസ് വാക്സിൻ സ്വീകരിച്ചിട്ടുണ്ട്. ഇതിൽ 11,93,541 പേർ രണ്ട് ഡോസ് വാക്സിൻ സ്വീകരിച്ചവരാണ്. 9,37,569 പേരാണ് ബൂസ്റ്റർ ഡോസ് സ്വീകരിച്ചിരിക്കുന്നത്.
