മുഖ്യമന്ത്രിക്കും കുടുംബത്തിനും നേരെ വധഭീഷണി മുഴക്കിയ ആറ്റിങ്ങൽ സ്വദേശി അറസ്റ്റിൽ
ശാരിക l കേരളം
തിരുവനന്തപുരം: മുഖ്യമന്ത്രിക്കും കുടുംബത്തിനും നേരെ വധഭീഷണി മുഴക്കിയ പ്രതിയെ പോലീസ് അറസ്റ്റ് ചെയ്തു. ആറ്റിങ്ങല് സ്വദേശിയാണ് പിടിയിലായത്. ഇയാള് മദ്യലഹരിയിലാണ് ഭീഷണി മുഴക്കിയതെന്നും മാനസിക വെല്ലുവിളി നേരിടുന്നയാളാണെന്നും സംശയിക്കുന്നു.
സിറ്റി പോലീസ് കണ്ട്രോള് റൂമില് വെള്ളിയാഴ്ച രാത്രിയിലാണ് ഇയാള് ഫോണ് വിളിച്ച് ഭീഷണി മുഴക്കിയത്. മുഖ്യമന്ത്രിയെയും കുടുംബത്തെയും വധിക്കുമെന്നും അതിലൂടെ താന് പ്രശസ്തനാകുമെന്നാണ് ഫോണ് വിളിച്ചയാള് പോലീസ് ഉദ്യോഗസ്ഥനോട് പറഞ്ഞത്. കുടുതല് കാര്യങ്ങള് ചോദിച്ചപ്പോള് ഇയാള് പോലീസ് ഉദ്യോഗസ്ഥന് നേരെ അസഭ്യം ചൊരിഞ്ഞു. സംഭവത്തില് കന്റോണ്മെന്റ് പോലീസും സൈബര് സെല്ലും കേസെടുത്ത് നടത്തിയ അന്വേഷണത്തിലാണ് പ്രതിയെ പിടികൂടിയത്.
അതേസമയം മാനസിക വെല്ലുവിളി നേരിടുന്നയാളാണെന്നും മദ്യലഹരിയിലാണ് ഫോണ് വിളിച്ചതെന്നും ഇയാള് പോലീസിനോട് സമ്മതിച്ചു. ഇയാള്ക്കെതിരെ ഗുരുതര വകുപ്പ് ചുമത്താതെ വിട്ടയയ്ക്കാന് മുഖ്യമന്ത്രി വി.ഡി.സതീശന് ഉന്നത പോലീസ് ഉദ്യോഗസ്ഥര്ക്ക് നിര്ദേശം നല്കി.
dfgdg
